21.

Item de passione Domini.

1. Contristare mens fidelis

Christiani populi,
Plange, ne gaudere velis,

Guttis fluant oculi,
Aspice duris In prelis

Suspensum patibuli
Clavorumque fixum telis

Salvatorem sacculi,
Jesum Christum,
Qui terrae praeest et caelis.

A sui discipuli
Judae, latronis crudelis.

Signo fuit osculi
Venditus atque tutelis

Datus diri vinculi,
Damnantque falsis loquelis

Falsitatis servuli
Pium Istum.

2. Corpus magis purum stellis
Tormentatur aspere,
Sic afflicta sacra pellis
Flagellorum verbere,
Fremit Judaea rebellis

Dirae compar viperae
Datque Jesu potum fellis
Cum aceto bibere
Gens severa.

Sanguis cujus favo mellis

Dulcior a latere
Fluit, et membris tenellis

Nescit clavis parcere,
Guttae manant ab ocellis,

Partes dolent cereae,
Hostis latrat par catellis

Et ut solet furere
Tigris fera.
3. Flet Johannes, mater plorat,

Agnus Dei moritur,
Dare lumen sol Ignorat.

Velum templi scinditur,
Terra tremit et laborat,

Motu quoque patitur,
Quam Christi cruor colorat.

Compati vult Igitur
Morienti.
Latro pendens Jesum orat,

Veniaque redditur,
Multa spina caput forat,

Innocens deluditur,
Nemo pendentem honorat,

Sed a cunctis spernitur
Sic vita, et cuncta vorat

Mors, dum Christus moritur
Vi tormenti.

4. Fit Christi vestimentorum

Per sortem divisio,
Plurimumque mortuorum

Placet resurrectio,
Christus Infernalem chorum

Frangit cum daemonio,
Ipse memor amicorum

Tollit a supplicio
Caros sibi.
Sepultum corpus decoram

Pio fit officio,
Haec mater, quae nescit thorum

Adest suo filio,
Dum vas Illud praefulgorum

Ligatur sudario,
Mulieresque, moerorum

Plenae luctu nimio,
Flebant Ibi.

5. Sepulchrum firmant Judaei
Cum forti custodia,
Filius resurgit Dei
Mane die tertia,
Luget expers omnis spei

Magdalena Maria,
Sed Jesus apparet ei,
Quem dum noscit, gaudia
Serit mente.

Novitatis hujus rei

It Maria nuntia,
Surrexit, o fratres mei,

Jesus cum potentia,
Quem scribae, quem pharisaei

Et turba nefaria
Necabant, mira trophaei

Tenet cum decentia
Vehemente.

6. Liberantur captivati,

Fit lux orta miseris,
Ante tristes sunt laetati,

Gaudentes cum superis;
Jam non possunt plura pati

De duris vel asperis,
Sunt ad requiem translati

A tormento carceris
Nimis duri.
Supplicamus pietati

Tuae, rector aetheris,
Ut simus nos computati

In sanctorum numeris,
Ubi laetantur beati,

Quibus portas aperis
Regni decenter ornati,

Huc quos Introduxeris,
Sunt securi.