20. De Beata Maria V.

Tempore Passionis Domini.

1. Virgini Mariae laudes

concinant iam fideles,

2. Revocantes ad mentem

Christi sub cruce flentem,

cum eam dilecto

discipulo

3. Commendaret in matrem

ipse vadens ad patrem,

nobis in exemplum

linquens mundum.

4. Dic nobis, Maria,

quid sensisti in tua

Tunc mente, quando vidisti

sic morientem,

quem tu genuisti?

5. Paene defecissem,

nisi fide stetissem,

Quae firma me confortavit

nec unquam nec tunc

in me vacillavit.

6. Ex vi magni amoris

fuit vis doloris,

quod corde perpendat,

quisquis Christum amat.

7. Iohanni commendata,

nobis sis advocata

ad tuum filium,

iudicem nostrum.