22. Paraplirasis Orationis Dominicae.

1. Pater rerum omnium

pius et fidelis,
Iustus et misericors,

habitans in caelis,
Serva nos a laqueis

hostium et telis
Caelestium spiritum

commendans tutelis.

2. Regnum tuum veniat,

Christus, tuus natus,
Qui ineffabiliter

est pro nobis natus,
Ipse nostra scelera

purget et reatus,
Hoc pro nobis postulet

caelicus conatus.

3. In nos tua gratia
semper innovetur,
Tuum, ut in caelis est,
sic sanctificetur

Sacrum nomen, super nos

virgo invocetur,
Sola sine macula

quae semper habetur.

4. Tuum velle vigeat

in altis et imis,
Hoc, concede, facere

semper ut possimus,
Nostram impotentiam,

pater, bene scimus,
Quia tibi sine te

placere nequimus.

5. Panem nostrum hodie

da cotidianum,
Panem hunc, qui saucium

totum fecit sanum,
Panem hunc, qui frivolum

respuit et vanum,
Panem, qui salvificat

genus et humanum.

6. Dimitte nobis debita

nostra, supplicamus,
Sicut debitoribus

nostris condonamus,
Exsules et flebiles

te, pater, oramus,
Dimitte, quod peccavimus,

et dona, quod rogamus.

7. Tu, qui mundi veneras

solvere peccata
Atque legis veteris

implere mandata,
Nostra nobis hodie

dimitte peccata,
Ut in nos peccantibus

dimittimus errata.

8. Circueuntem propter nos

reprime leonem,
Qui nos temptat ducere

in perditionem,
Paternam deposcimus

hanc tuitionem,
Ne nos circumveniat

per temptationem.

9. Qui in caelis solus es,

terris et in salo,
Plebi Israeliticae

positus in palo,
Ad te fundo gemitus

meos et propalo,
Ut nos in perpetuum

conserves a malo.

10. Nunc patris et filii

deprecor spiramen,
Mei caeci pectoris

depellat velamen,
Perpes in perpetuum

meum sit solamen ;
Oret mecum hodie

totus mundus. Amen.