22. In Conceptione BMV.

In 1. Vesperis.
Ad Magnificat

A. O regina reginarum,

Supernorum civium
Imperatrix, lumen clarum

Per istud solemnium
Praestes illis, quos constringit

Mortiferum vitium.

Ad Matutinum.
Invitato rium.

Stellam Mariam maris,
venite, adoremus.

In 1. Nocturno.

Antiphonae.
1. Principium nostri Iactus
Eva fuit, Annae fructus
Hujus finis.
2. Eva demens obedivit
Hosti, cujus caput trivit
Stirps insignis.
3. A prophetis praesignatur
Annae proles, per quam datur
Cunctis salus.

Responsoria.
1. Fulget dies hodierna,

Per quam mundo lux aeterna
Coepit illucescere.
V. O quam sancta conceptio,
Quam beata.

2. Insignis est progenies,
In honore cujus dies
Praesens est memoriae
Sempiternae,
V. Haec nobis impetret gaudia

Civitatis supernae.
3. Virgineum decus ave,
Jugum cujus tam suave,
Conserva nos mortis a vae,

V. Quae providentia Christi
Munda concepta fuisti.

In 2. Nocturno.
Antiphonae.
1. Haec est lapis nostrae spei,
Ad conceptum nutu Dei
Quae processit hodie.
2. Laudes demus huic germini,
Quod nostri fuit Domini
Vas decorum.
3. Anna mater, gratulare
Noscas enim te portare
Florem florum.

Responsoria.

1. Veneranda cunctis festivitas,
In qua fuit Annae sterilitas
Tam fecunda;
V. Ista dies fons salutis

Initiumque virtutis.
2. Anna, gaude, concepisti

Prolem, per quam suecurristi
Humano tristi generi.
V. Tua ferunt viscera

Hanc, quae sacra camera
Fuit Christi.
3. Benedictus salvator omnium
Promiserat venturum filium,
Quod implevit, dum subit
gremium
Proles Annae.

V. ''Visitavit Dominus et fecit re-
demptionem plebis suae.''

In 3. Nocturno.
Antiphonae.
1. Hodie tremit infernus,
Mundum ditat rex aeternus
Conceptu tam fructifero.
2. Quam pulchra Dei series,
Promittitur progenies.