NANNETEN. 23

postea non probatur, in se est nimis vagum et informe et ipsi Rmo Episcopo probabile tantum argumentum videtur subministrare. Quod probabile argumentum ad declarandam nullitatem huius matrimonii ex capite impotentiae est plane insufficiens ; ad huiusmodi enim sententiam certa requiritur probatio impotentiae. Quare allegata ista probabilis impo- tentia, quae accedentibus aliis adminiculis matrimonium il- lud viro reddit saltem difficile, onerosum, saepe inutile, pot- erit esse ratio concedendi dispensationem matrimonii, si aliunde non consummatio certo probetur.

Aliae difficultates, quae a Vicario Capitulari Nannetensi proponuntur contra executionem rescripti delegationis S. C. C, ut plurimum nituntur falsis suppositionibus aut solido fundamento carent. Nam S. C. C. Rmum Ordinarium Nan- netensem delegavit ad conficienda acta, non ad ferendam sententiam in casu. Quare quae Vicarius Capitularis scribit de impossibilitate appellationis, nituntur manifeste erronea interpretatione rescripti S. C. C, quae per allegationem Const. Dei miseratione et Instr. S. C. C. an. 1840 inten- dere solet, ut in actis iudicialibus conficiendis tantum ab Ordinariis illa decreta S. Sedis observentur: ipsa enim sen- tentia iudicialis in huiusmodi causis non spectat ad Ordinarios.

Fundamento quoque caret petitio, ut ab inspectione viri dispensetur. Non attenderai Rmus Vicarius Capitularis in casu agi de non consummatione matrimonii propter allega- tam quandam difficultatem et aversionem uxoris, non ob impotentiam jnariti, quam nemo unquam asseruit. Quare inspectio viri esset facienda, si nullitas vel non consumma- tio matrimonii ex impotentia viri repeteretur; at in casu de potentia viri ne minimum quidem est dubium. Ergo frustra postulatur dispensatio super re non requisita planeque su- perflua.

Quodsi Rmus Vicarius Capitularis tandem petiit, ut pro- pter circumstantiarum difficultatem inspectio mulieris fieret a duabus, non a tribus obstetricibus facilius isti petitioni potuit obsecundari. Nam quamvis ipse tanquam iudex dele-