22.

De festo pasehae.

1. O paschale gaudium,

Clarum sine naevo,

Hos a jugo liberans

Pharaonis saevo,

Qui captivi fuerant

Tempore longaevo,

Salve festa dies:

toto venerabilis aevo.

2. Se mentis a jubilo

Nullus alienet,

Sed carnales stimulos

Quilibet refraenet,

Et cordis hospitium

Hac die serenet,

Qua Deus Infernum

vicit et astra tenet.

3. Hodie redempti sunt

Hi, qui gemebundi

Fuerant In vinculis

Baratri profundi,

Ad venisse gaudia

Temporis jucundi,

Ecce renascentis

testatur gratia mundi.

4. Coelum ait, roribus

Modo novis fluo,

Dum resurgis Domine,

De sopore tuo,

Elementa liquide

Sentiunt bis duo,

Omnia cum Domino

dona redisse suo.

5. Non es, homo, subditus

Satanae plus Iris,

Ideo revertere

Viis a deliris,

Cor Intus virtutibus

Exornando miris,

Paschales quicunque

dapcs

conviva requiris.

6. Qui prius habuerant

Poenas atque metum,

Hodie translati sunt

Ad locum quietum,

Nam contrivit Dominus

Sathaninum coetum,

Laudent rite Deum

lux, polus, arva, fre-

tum.

7. Hodie completum est,

quod praedixit David,

Phrophetizans: Dominus

a ligno regnavit,

Cujus resurrectio

captos liberavit,

Nobis surrexit

qui nobis cuncta cre-

avit.

8. Ablutum percipimus

peccatorum faecem,

Bis sex Idiomata

septiesque decem

Illum laudent pugilem,

qui devicit necem,

Dentque creatori

cuncta creata precem.