21. In Resurrectione Domini.

Per Octavam.

1. Haec dies ''praeclara
atque nimis veneranda,''

2 a. Quam excelsus
ipse fecit Deus;

2b. Iucundemur

simul et laetemur.

3 a. Serenatis cordibus
annuis temporibus
laeti celebremus;

3b. In hac die siquidem
creator angelorum
omnium sanctorum

4 a. Formam servi dignatus
est sumere
nostri causa salutis
nosque liberandum;

4b. ''Quos propria virtute
formaverat,
abstraxit a tartara
barathri noxia.''

5 a. Rerum creator

de sacro solio descendens
eruit, quos hostis
perfidus rapuit dudum
ingerens vitia et trahens
antro sulphureo;

5 b. Gemat picea turba

'' claustra inferni destructa,
ab arce superna
divinitas induta
carne purpurea, spolians
profundi tartara.''

6 a. Totus mundus exsultet libans,
iubila in voce
summas dans laudes,
ut condecet,

6 b. ''Gaudeatque, carnis humana
Christi per tropaea
quod zabidosa fraus
est deiecta.''

7 a. Cum angelis

"Gloria Deo in excelsis"
decantantes;

7 b. Magnalia

'' Dei voce boando sonet
per omnia,''

8 a. Quod die

'' tertia resurgens sine culpa
pro nostra offensa
de sepulcri claustra.''

8 b. Gloria

sit trinitati unicae, patri,
filio, paraclito
spiritui sancto,

9. Nunc et ultra et in aevum.