22. De sancto Ettone.

I n 1. Vesperis.

Ad Magnificat.

A. Ad te, Christe, fili Dei,

Ad te clamant omnes rei,

Ut in hoc vitae stadio

Fessos idem paraclitus

Refoveat divinitus,

Etho cuius imperio

Caelestem sumpsit vitam,

Mentem iacentem visitet,

Consuscitet sopitam.

O quam felix Dei donum,

Quod perenne confert bonum !

Ad Matutinum.

Imitatorium.

Etho Deum laudet,

per quem super aetheragaudet;

Nos igitur psalmis

illi iubilemus et hymnis.

In 1. Nocturno.

Antiphonae.

1. Germine feta sacro

laetetur Hibernia, fructu

Quod tam multipli

regna superna replet.

2. Haec septem radiis

tenebras illuminat orbis

Sideribusque novis

latius emicuit.

8. Septem namque viros,

meritorum lumine claros

Edidit et claris

condecoravit avis.

Responsoria.

1.Ad laudem Domini

produxit Hibcrnia septem

Fratres, insignes

caeli quos gloria fecit;

V. Par spes, par animus

erat illis et Deus unus.

2. Hos decoravit honor

mundi fulgens et origo,

Sed magis ingenuos

dedit actio mensque beata

V. Dignos laude viros,

tibi, sacrum flamen, alumnos.

3. Horum de numero

venerandus claruit Etho,

Cum pia progenies

mores sacravit heriles,

V. Unctio sancta Dei-

que doctrix adfuit illi.

In 2. Nocturno.

Antiphonae.

1. Voti concordes

effecit gratia fratres,

Quos spes atque fides

fecerat esse pares.

2. Hi natale solum

liquerunt, aequora Christo

Remige sulcantes

extera regna petunt.

3. Fluctibus emensis

nebulosi post iuga montis

Sacra Petri subeunt

cum prece, cum lacrimis.

Responsoria.

1. Traditus Etho sacris

animo vigili documentis,

Praedicat esse pium

super omniaquaerere Christum,

V. Mundum eum flore

divino sprevit amore.

2. Etho domum, patriam,

mundum cum flore relinquens

Verna bonus Domini

gremio meruit refoveri,

V. Terrea cuncta terens

caeloque potenterinhaerens.

3. Plenus amore pio

mare transiit ac duce Christo

V. Solvit apostolicis

Romae sua vota tropaeis.

In 3. Nocturno.

Antiphonae.

1. Caelitus implorant,

quibus haecmortalia condant

Membra sub hospitiis,

ossa quibus tumulis,

2. Christus, servorum

miserens, ubi quivis eorum

Ius caperet sedis,

innuit a superis.

3. Sedit ab his unus

Etho, qua fonte refusus

Manat Corbriolus

caelitus exhibitus.

Responsoria.

1. Etho sacris precibus

lacrimisque peramplius instans

Mente polum penetrat

dignis affatibus astans,

V. Extera transgressus

ad spiritualia raptus.

2. Summus apex, celsi

solii moderator et aevi,

Orantem famulum

recreavit acroamate tali:

V. Gallia Iactetur

et te pastore regatur.

3. Etho, divinae

per saecla ferax medicinae,

Clade piat populum,

fugat impia gentis, asylum

V. Subvenit adflictis,

miseris solacia praestat.

In Laudibus.

Antiphonae.

1. Felix confessor,

trinae deitatis amator,

Audit de caelis

semel et bis acroama salutis.

2. Mansio signatur

primum, post tumba iubetur

Quaeri, tumque dies

vitae postrema vocatur.

3. Posthuma facta patris

dando suffragio multis

Lucis eum sedem

testantur habere perennem.

4. Vota sacerdotis

acceptans carcere, vinclis

Ereptum recreat

spondensque salubria firmat.

5. Aeger abit sanus,

maerens solamen adeptus,

Nullus inexpertus

opis, est pateromnibus aptus.

Ad Benedictus.

A. Exsultemus hodie

Simul et cantemus,

Patris nostri gloriae

Pia vota demus,

Qui de mundi voragine

Feliciter sublevatus

Gaudet cael[est]i lumine

Divinitus illustratus

Nullam timens iacturam.

Pro nobis Deo supplica,

Sancte pater, et vendica

Laetitiam futuram.

O quam felix Dei donum,

Quod perenne confert bonum !

In 2. Vesperis.

Ad Magnificat.

A. O Iesu Christi bonitas,

O gratia,

Dirige nostras semitas

Ad praemia,

Quae servas fidelibus

Ob meritum virtutis,

Da tuis supplicibus

Ethonem refugium

Ad gaudium salutis.

O quam felix Dei donum,

Quod perenne confert bonum I