20. In Nativitate Domini.

1. Magnus qui factus erat,
Tandem praeterit,

Novus, qui non aderat,
Caput exserit.

Virga, quae floruerat,
Virgo peperit.

2. Adam, qui perierat,
Portum comperit,

Evam qui deceperat,
Captus interit.

Virga, quae floruerat,
Virgo peperit.

3. Eva, cui crediderat,

Caput conterit,
Librum, quem lex clauserat,

Agnus aperit.
Virga, quae floruerat,

Virgo peperit.

4. Lex ad lucem properat,
Umbram deserit,

Legem lux non alterat,
Sed plus asserit.

Virga, quae floruerat,
Virgo peperit.

5, Pharao non imperat,
Undis deperit,
Licet, qui transierat,

Non meminerit.
Virga, quae floruerat,
Virgo peperit.