22.

1. Quid tu vides, Jeremia?

Virgam vigilantem.
Et tu quid, o Zacharia?

Aquilam volantem.
Johannes instruens

Fert legis oculum,
Errores destruens

Texit funiculum.
Hic est. discipulus,
Hic vigil oculus

Aquilae notavit
Solem justitiae,
Hic sol ecclesiae

Tenebras purgavit.

2. Quid tu vides, legislator?

Rubum inflammatum,
Quo signatur novi regis

Claustrum illibatam.
Igne qui canduit,

Rubus non uritur,
Virgo, quae genuit

Deum, non laeditur.
Sol sub velamine
Carnis in virgine

Verus latitavit;
Hoc opus intuens
Naturam exuens,

Habacuc expavit.

3. Haurit solem, cum senescit,

Aetas aquilarum,
Hausto sole reflorescit

Ad fontes aquarum.
Omnes operuit

Vox primi criminis,
Donec resplenduit

Rex magni nominis.
Sol justus oriens,
Fons vitae saliens

Huic expandit sinum,
Et hausit medio
Fontis in gremio

Caritas caminum.