23. De Conceptione BMV.

In 1. Vesperis.

Antiphonae.

1. Laus tibi, sancta trinitas,

Per quam salus mundi datur

Per Mariam et caritas

Tua cunctis propinatur.

2. Maria, tuos laetifica

Famulos et salvifica

Ducens nos ad regna caelica.

3. Ave, beata Maria,

Per quam patet via

In regnum claritatis,

Nos junge, mater, beatis,

4. Salve, aula deitatis,

Omni ornata gloria,

Ave, gemma castitatis,

Plena virtutum copia.

5. Pax Christi et benedictio,

O Maria, nos protegat,

Tua miseratio

In viam pacis nos deferat.

Respcrasoria.

1. O clemens reorum

Advocatrix

Mater misericordiae,

O salus aegrotorum,

Vitae datrix,

Laus et honor ecclesiae.

Nobis, pia lapsorum

Relevatrix,

Obtine locum veniae.

V. O mater regis gloriae,

Plena omnis gratiae,

Nos salva clementer hodie.

Ad Magnificat.

A. O Maria, salus aegrorum,

Nos salva, flebilium solamen,

Succurre turbae miserorum,

Salva reos, levamen lapsorum,

Debiles conforta et cunctorum

Te poscentium esto juvamen.

Ad Completorium.

Ad Nunc dimittis.

A. Ave, Maria, quae dedisti

Mundo salutis pretium,

Deum hominem posuisti

Ante conspectum omnium,

Semper exora, mater Christi,

Pro nobis pium filium.

Ad Matutinum.

Invitatorium.

Ad thronum matris gloriae

Precibus pulsantes

Nos salva, rex pie,

Tibi jubilantes.

In 1. Nocturno.

Antiphonae.

1. Advocata peccatorum,

Maria, regina caelorum,

Transcendit choros angelorum.

2. Matris Dei gloriam

Protestantur aethera,

Cujus in terris gratiam

Sentiat gens misera.

3. Nos clamantes hodie

Ad gratiae tuae solium

Exaudi, mater clementiae,

Et placa nobis filium.

Responsoria.

1. Salve, Maria virgo,

Tu de stirpe regia

Refulsisti genita,

Tu virtutum gratia

Claruisti praedita,

Decus et claritas sanctitatis,

Tu tabernaculum trinitatis.

V. Te spiritus sancti donum

Fructu vitae fecundavit,

Te dignissimum thronum

Regi regum praeparavit.

2. Ave, stella matutina,

Cohortem fugans hostium,

Tu flos carens culpae spina,

Tu singulare lilium,

V. Tu prole dotata,

Domina, nos salva,

Spes fidelium.

3. Salve, virtutum regula

Et forma gloriae virginalis.

Maria, Dei cellula,

Tu nostra pelle pericula

Et libera nostris a malis.

V. Sana animae vulnera

Medela salutifera,

Virgo sola puerpera.

In 2. Nocturno.

Antiphonae.

1. Tu thronus divinitatis

Dignissimus,

Nos juvari a peccatis

Et salvari petimus.

2. Tu speculum muuditiae

Nunquam fuscata macula,

Aula solis justitiae

Vinctorum solve vincula.

3. Tu flos cunctarum virginum,

Gloria mulierum,

Sanctorum jubar agminum,

Te laudantem salva clerum.

Responsoria.

1. O Maria, vultum tuum

Clemens suavissimum,

Dulcedine irriguum,

Regi regum gratissimum,

Ad nos converte, mater pia,

Cuncta fuga noxia.

V. Vultum benignum et prae-

clarum,

Vultum plenum gratiarum.

2. O templum sanctae trinitatis,

Maria virgo sanctissimum,

Tu in regno claritatis

Locum tenens clarissimum,

Fer solamen desolatis

Et juvamen piissimum,

V. Memor esto tuorum,

Domina, servorum.

3. Maria, flos benignitatis,

Te venerantes petimus,

Ut nos, qui in multis pec-

catis

Salvatorem offendimus,

Fons summae mundet pietatis,

O, rex salvet nos optimus:

V. Qui tibi nil negat filius,

Fac, ut nobis sit propitius.

In 3. Nocturno.

Antiphonae.

1. Christo nato decantemus

Redemptori iubilemus

Et Mariam collaudemus.

2. Fac, Maria piissima,

Ut spiritus sancti unctio

Nostra purificet intima

Ab universo vitio.

3. Deo patri psallant omnia,

Cujus filii praesentia

Mira nos salvet clementia.

Responsoria.

1. O quam felix et beata,

Quae in caeli palatio

Super angelos exaltata

Regnas cum tuo filio,

Dei facie peroptata

Potiris et alloquio,

V. Obsequio angelico

Laetaris et laudis cantico.

2. Ave, Maria lucidior

Stellis et sole splendidior,

Tu sanctos gloria praecellis,

Angelis excellis,

Tu cunctas haereses repellis.

V. Post Christum dignior,

Virginibus fecundior,

Christo dilectissima,

Clementibus clementissima,

Nos salva beatorum optima.

Ad Laudes.

Antiplionae.

1. Ab aeterno praeparata

Regi regum aula grata

Es, Maria, virgo beata.

2. Maria, in caeli solio

Pia conjuncta filio,

Nos tuo suffragio

Salva in exsilio.

3. Vultum tuae pietatis

Ad nos converte, domina,

Et adspectu claritatis

Nostra propelle crimina.

4. Ab omni creatura

Maria benedicatur,

Potens, benigna, pura,

Per quam pax et salus datur.

5. Caeli, virgo, te dominam laudent,

Per quam renovantur,

De tua gratia rei gaudent,

Qui per te salvantur.

Ad Benedictus.

A. Ave, virgo, sol claritatis,

Praeelecta Dei cella,

Aurora, fons pietatis,

Et tu, praeclara maris stella,

Tenetoas nostras illumina,

Noxios mores corrige,

Inimicos extermina,

Servos lapsos erige,

Confer virtutum germina,

In viam pacis nos dirige.

In 2. Vesperis.

Ad Magnificat.

A. Salve, regina clarissima.

Civium supernorum,

Ave, mater Dei humillima,

Consolatrix miserorum,

Omnis generatio

Beatissimam praedicat,

Aeterni patris dilectio

Tibi solium communicat,

Tu ad nos Dei servulos

Te invocantes hodie

Pios converte oculos,

Mater misericordiae.