24 ROMANA

Eadem qua interiit nocte, pia asceteria Eminentissimi Sala neptis Gorae degens, servum Dei sacerdotali circumdatum ami- ctu, suis cum missionariis psalmos concinentem, et ad caelum assurgentem conspexit. Alii item sacrae virgini e sensibus ra- ptae caelestis gloria Canonici Del-Bufalo spectanda obiicitur , Divo Xaverio occurrente. Hinc magis magisque sanctitatis fama percrebuit.

Parentalia in aede sacra S. Angeli in foro Piscario peracta sunt, magno devotorum stipante concursu, deinde exuviae Al- banum, ut ibi conderentur, fuerunt translatae. In s. Pauli templo cadaver, toto civitatis procerum adstante coetu, detegitur. Hinc prodigia protinus refulgent. Nam quarto ab obitu die odor sua- vissimus ex arca patefacta diffunditur, tum cadaver integrum et flexibile reperitur. Artis concurrunt periti, qui praestito de more iuramento, mortales exuvias inspicerent. Hi cum nullo medicamine cadaver servatum conditumque animadverterent, ad supernaturales causas portentum retulere. Et cum attentius corpus perscrutaretur, viscera morbo exesa, post obitum redin- tegrata coniecere. Os scorbuto ulceratum bene olens reperierunt, linguam humentem viderunt atque rubicundam; vesicatoriorum vestigia lympham adhuc nil graveolentem dimanantia observa- runt, humeros, quos Servus Dei, ut peccatorum veniam impe- t r an t , saepe verberibus onerabat, purpureis vividisque notis, ceu rosarum floribus rubentes.

Quibus sane mirandis signis, aucta sanctitatis fama, vicinas civitates et rura complevit. Protinus delubrum devotae turbae defunctum sacerdotem ut Sanctum consalutantes inundarunt, nec proximi tantum incolae, sed ex longinquis civitatibus, nec itineri, nec ullo incommodo pepercere. Hinc alii illum eximium Apostolum, alii gloriosissimum Sanctum, sese commendando, appellabant, pars ceram de facibus captare, pars indumenti frusta secare, pars corollis, aut anulis, aut digitis sacras exu- vias contingere gaudebant. Nec per diem aditus iam ullus in- grediendo templo a concursu relinquebatur, nec, obducta noc- te, turbae a feretro divelli poterant. Excubiae positum cadaver tuebantur.

Canonicorum Collegium cum alumnis seminarii memoriam et exuvias expositi illic Canonici veneraturi perrexerunt, et so- lemni requietis Sacrifìcio interfuere, cum angélicos extincti mo- res funebri oratione R. D. Ioannes Meiiini, iam illius confessa-