24 NANNETEN»

gatus obligaretur ad accuratam observantiam specialis formae procedendi sibi praescriptae cfr. cap. 22. X, De rescr.1,3, i. e. Instr. S. O. C. a. 1840, tamen negari non potest, in casu non fuisse levem difficultatem inveniendi tres obste- trices. Aliunde quoque constat, Instr. S. C. Inq. in eadem materia a. 1858 datam (1) duas tantum requirere obstetrices quae in hac re et in aliis quibusdam normis secundariis a. cit. Instr. S. C. C. discrepat. Cfr. Arch. iur. eccl. vol. 76, pag. 222 sq. Imo Instructio Emi Cardinalis Rauscher a Conc. plenario Baltimor. III, § 104 commendata de istis obste- tricibus plane tacet atque solummodo commemorat viros in arte medicorum peritos.

Hinc audito voto defensoris vinculi matrimonialis penes S. C. C. novum datum est rescriptum: « Episcopo, qui acta compleri curet ad tramitem adnexae instructionis defensoris matrimonii ex officio penes S. C. » Qua in instructione prae- ter accuratam observantiam Const. Dei Miseratione de officio defensoris vinculi matrimonialis, in novo processu confi- ciendo, praesertim requiritur testimonium septimae manus ex utraque parte atque inspectio corporalis uxoris « per duas saltem obstetrices ».

Quo rescripto ad Curiam Nannetensem transmisso tan- dem ibidem novus processus ex delegatione apostolica in- choatus est. At initium huius processus auspicatum non fuit.

Etenim Rmus Episcopus Nannetensis in ista causa suum Vicarium generalem Henricum Marchais constituit delega- tum ; sed mirabile dictu in universo illo mandato Episcopi potestatis delegatae a Romano Pontifice- acceptae nulla fit mentio omniaque decernuntur, quasi Episcopus ex ordinaria sua potestate in ista causa posset procedere. Nemo profecto negabit, Episcopum esse ordinarium iudicem in prima in- stantia competentem, causa nullitatis matrimonii ex impo- tentia repetatur. Cfr. cap. 1, X, defrig. IV, 15; Ben. XIV. Const. Dei miseratione §§ 8, 13. At ad instituendum proces-

(1) In fine huius causae habes instructionem hanc, appendicis instar relatam.