22. De Beata Maria V.

1. Pretiosae,
gloriosae
Christi matris, Mariae,

2. ''Insistamus laudibus sedulis
''corde iucundo
atque benigno

3. Veneremurque

Dominum omnium,
natum ex virgine.

4. Qui nos servulos
supernis condolens
sic corruisse sedibus

5. Pro nobis dira
passurus advenit
ultro crucis supplicia,

6. Sicque morte superata

polorum scandens culmina

7. ''Perduxit ad regna
''florida, metae nescia.

8. Ergo nostra pio regi
ac ipsius genetrici
laudes promat contio

9. Corde mundo deprecando
nos foveri in hoc mundo
illius subsidiis,

10. Ut devicta mole carnis
mereamur [cum] angelis
iungi caeli civibus

11. Et te, Christe, collaudare
cum sincera mentis fide
sedibus aethereis.

12. Regmarum imperatrix,
orphanorum consolatrix,
posce tuis servulis
veniam captantibus.

13. In te semper confidentes
salva, virgo, ut gaudentes
perfruamur gaudiis
Adae culpis perditis.

14. Tu quondam Theophilo
subvenisti misero,

15. Cum a morte eriperes
vitaeque eum redderes.

16. Nos in mundo fluctuantes,
mundi mundum respuentes,

17. Ad superna suspirantes
perduc, virgo, famulantes,

18. Quo tecum in aethereo
conregnemus palatio.