22. In Resurrectione Domini.

Per Octavam.

1 a. O quam beata regina
et virgo, Maria,

1b. Quae sola Deum fuisti
generare digna i

2 a. Inter universas
feminas tu facta
es ab ipso sublima,

2 b. Ut ex te sit ortus
verus sol, per cuncta
semper fulgens saecula,

3 a. Omnia qui fugat nubila
ac turbat tartara.

3 b. Daemonum agmina mirantur
nimium territa,

4 a. Quod virtus divina
fregit portarum limina
barathri ferrea.

4 b. Patent ergastula

saeva, rumpuntur iniusta
piorum vincula.

5 a. Gaudet sancta

exspectata de gloria
caterva;

5 b. Lugent maesta

de subducta sibi praeda
tartara.

6 a. Turba captiva
iam redempta
cum laetitia
catervarum exit magna;

6 b. Hinc ipsa castra
sanctissima
ad caelestia
eunt regna cum gloria.

7 a. Redemptor hac victoria
iam peracta
de nova
iterum sepultura

7 b. Surgens suis solamina
dedit firma,
ablata
dubia tristitia.

8 a. Christi morte sacra,
fidelis turba,
suscipe haec gaudia,
reddita iam libera;

8b. Iam dudum perdita
tua patria
est tibi restituta
cum vita perpetua.

9 a. Solve Deo vota
, debita,

9 b. Qui donat praemia
aeterna.

10 a. Laus tibimet beata
sonet voce nostra,
qui patris verbigena,

10 b. Exstans ante saecula,
veniens in arva,
caro factus humana,

11. Nos ad gaudia

revocans virtute tua
sempiterna.