23. De s. Euchario Tullensi.

Ad1. Vesperas.
Antiphonae.

1. Gaudeat ecclesia

Pro palma victorum,
Quam adornat Gallia
Splendore sanctorum.

2. Eucharii natio

Sancta comprobatur,
Iustorum consilio
Christum imitatur.

3. Hic dum mundi gloriam
Pro Christo calcavit,
Aeternam memoriam
Iusti comparavit.

4. Laudans nomen Domini
Vir Deo devotus
Vacabat regimini
Per Deum promotus.

5. Huius sancti praesulis
Mors est pretiosa,
Quem laudant in populis
Signa gloriosa.

Ad Magnificat.

A. O pastor egregie

Doctorque fidelium,
Gemma Lothoringiae,
Nobile depositum
Liberduui castri.
Fer, Euchari, gratiae
Nobis patrocinium,
Ne perdamus anxie
Thronum tibi traditum
Supernalis astri.

Ad Matutinum.
Invitatorium.

Regi caelorum gloria
Devote concinatur,

Dum Eucharii gratia
Digne commemoratur.

In 1. Nocturno.
Antiphouae.

1. Hic in lege Domini
Pie meditatus
Se sanctorum agmini
Iunxit vir beatus.

2. Reges, intellegite

Providam rectorem,
Hunc sequi satagite,
Strenuum victorem.

3. Christus fuit gloria
Huius praesidentis,
Non timuit milia
Populi furentis.

Responsoria.

1. Laudemus permagnificum
In statu praesulari
Doctoremque catholicum

Adfatu salutari
Eucharium, mirificum
In actu regulari.
V. Ducem sequamur caelicum,
Colentem Deum unicum
Affectu singulari.

2. Fidei rapto foedere

Rex nequam Iulianus,
Ordinis spreto munere

Apostata profanus,
In Christum coepit furere
Vir Belial et vanus.
V. Sub eius grandi scelere
Passus est gravi vulnere
Populus christianus.

8. Dum Galliam ingreditur,
Urbem Grandem intravit,
Cbristicolas insequitur

Pluresque carceravit,
Eucharium aggreditur
Et ipsum decollavit.
V. Ab impio perimitur
Pastor pius nec vincitur,
Quem Christus coronavit.

In 2. Nocturno.
Antiphonae.

1. Hunc sanctum mirificat
Deus veritatis,
Per quem tot multiplicat
Signa probitatis.

2. Mane Dei famulus
Orans exauditur,
Preces eius populus
Laetus experitur.

3. Laus perfecta sonuit
Ex pastoris ore,
Cuius vita splenduit
Virtutis honore.

Responsoria.

1. In Pompeio littore

Caeso praesulis capite
Et in loco tumbarum
Iam divisum a corpore
Ab ipso fertur equite
Palmis caputpraeclarum.
V. Passus modico tempore
Conscendit recto tramite
Montem deliciarum,

2. Athleta victo turbine

Per sanctae vallis medium
Iter suum direxit;
Legentes olus feminae
Mirantur ex hoc nimium,
Quod caput suum vexit.
V. Plus stupet rubens sanguine,
Dum eas per sollemnium
Operari prospexit.

3. Praesul divino munere
Consummato martyrio
Per omnia directus
Recto pergens itinere
Liberduni confinio
Digne fuit collectus.
V. Super lapidem funere
Locato caeli gaudio
Fruebatur electus.

In 3. Nocturno.
Antiphonae.

1. Vitam sine macula
Praesul hic finivit
Summa tabernaculi
Laetus introivit.

2. O praeclare pontifex,
In virtute Dei
Sis salutis opifex
Nobis sanctae spei.

3. Rex aeternae gloriae,

Per hunc nos conducas
Ad montem laetitiae
Tecum et inducas.

Responsoria.

1. Corpus sanctum

defuncti praesulis
Dum deferret

cum reverentia
Urbis Leuchae

clerus cum populis,
Quadrivallis

non traxit spatia.
V. Liberduno debebatur
Sancti quies, ut probatur.

2. Subvectum in curriculo
Praesulis funus inclitum
Vaeeae duae trahebant,
Quae pergrandi miraculo
Locum sepulcri debitum
Directe requirebant.
V. Quae cum decenti titulo
Liberduni depositum
Gressibus innuebant.

3. De celso sancti praemio

Vera sunt testimonia
Patrata Dei brachio

Per eum mirabilia,
Qui suo patrocinio

Magna confert remedia.
V. Pro triumphali proelio

Pastor regnat in gloria,
Magno dignus praeconio,

Dum expellit daemonia.

In Laudibus.
Antiphouae.

1. Sanctus vir Eucharius
Morum luce splenduit
Indutus decorem,
Sacerdos egregius
Melchisedech tenuit
Gradum et honorem.

2. Cordis prae laetitia
Iubilans in gaudio
Deum exquisivit,
Manens in iustitia
Iustorum consilio
Domino servivit.
3. Deus, ad te vigilans
Exsultando labiis
Mente iubilabat,
Rectis lumen rutilans,
Gloria, divitiis
Iustus abundabat.

4. Benedicant opera

Cuncta nomen Domini,
Quod est benedictum.
Dum scandit ad aethera
Summo iunctus numini
Martyr post conflictum.
5. Tuba, chordis, organo
Laudet omnis spiritus
Dominum virtutis,
Quem in caeli Libano
Cernit bibens primitus
Calicem salutis.

Ad Benedictus.
A. Benedictus Dominus,

Plebem suam visitans
Per almum pastorem,
Cuius vitae terminus
Hunc beatum clamitans
Hostisque victorem,
Nos ad bonum protinus
Miraculis excitans
Deo dat honorem.