24. Super Pater Noster.

1. Pater, qui de nihilo

saecula creasti,
Mittens mundo filium

nos recuperasti,
Mortuis ex crimine

vitam praeparasti,
Parce nobis miseris,

quos gratis salvasti.

2. Noster in adversis [sis]

mane defensator,
Rerum benigne conditor,

dulcis gubernator,
Vero certe nomine

diceris salvator,
Fundens cruce sanguinem

factas triumphator.

3. Qui concludis semitas

cuncta gubernando,
In te confidentibus

veniam donando,
Flecte corda supplicum,

ut in te sperando
Laudibus et meritis

gaudeant amando.

4. Es in caelis conditus

sine fine manens,
Nostram carnem sumere,

Deus alme, parens
Dignatus ex virgine,

qui livore carens
Subisti patibulum

ara crucis arens.

5. Sanctificetur uterus,

qui te generavit,
Venter sacratissimus

matris, quae lactavit,
Gloriosae virginis,

quae te et portavit
Deque mortis laqueo

vitam reparavit.

6. Nomen Christi credimus

atque confitemur,
Id cum reverentia

semper veneremur
Et in tuis laudibus

prompte delectemur,
Ut a sorde criminis

et morte liberemur.

7. Tuum da praesidium

nobis, alme pater,
Illud nobis impetret

sanctissima mater,
A nostris cesset mentibus

inimicus ater,
Qui nos vexat stimulis

uno puncto quater.

8. Adveniat cordibus

candor lucis inclitus,
Mentes nostras impleat

paraclitus spiritus,
Eius ad obsequium

nos conformet penitus,
Qui gratiarum omnium

est largitor optimus.

9. Regnum caeli, Domine,

mentibus infunde,
Paenitendi gratiam

conferas abunde,
A te solo provenit

et non aliunde,
Sed in gratitudine

non sentimus unde.

10. Tuwn beneficium

semper est paratum,
Redde cor fidelium

tibi praeparatum,
Da nobis per gratiam

iter demonstratum,
Nostrum sacrificium

tibi fiat gratum.

11. Fiat nobis, Domine,

sicut tu dixisti,
Ut ambulemus tramite

recto, quem duxisti,
Et tui regni gloriam,

sicut promisisti,
Da tuis fidelibus,

quos tu redemisti.

12. Voluntas nostra maneat

tecum radicata,
Angelorum laudibus

semper sit parata,
Porta caeli, quaesumus,

nobis reserata
Maneat, in gloria

virtus comprobata.

13. Tua dulci gratia

defende peccatores
Et adflictos subleva,

mitiga dolores,
Ut te cognoscant Dominum,

vitia, labores
Vitent et virtutibus

fiant amatores.

14. Sicut tu vis, Domine,

nos indifferenter
Guberna, rege, protege

dando nobis semper
Muneris auxilium,

ut tibi reverenter
Serviamus, turpia

vitando potenter.

15. In caelo cuncta gaudia

nobis sunt parata,
Ubi delectatio

est adcumulata,
Angelorum deitas

manet informata
Et iustorum gloria

semper augmentata.

16. Et in terra prospera

nulla, sed adversa
Inveniuntur, miseris

omnia transversa,
Adflictionum plurium

copia diversa,
Vitemus ergo saeculum,

ut poena sit dispersa.

17. Panem tuum angelicum

praebe nobis, Domine,
Ut tui consortii

coniungamur agmine
Et cum tuo filio

et cum sancto flamine
Iungamur in gloria

canendo dulci carmine.

18. Nostrum cor, altissime,

flecte tolerando,
Ut vivamus sobrie

vitia vitando,
Te cum diligentia

semper imitando
Videamus facie,

quando erit quando.

19. Cotidianum gaudium

tecum invenitur,
Per fidem spes altissimi

cordibus unitur,
Qui relinquit vitia,

virtute redemitur,
Caelesti mensa, gaudii

poculo potitur.

20. Da notis, Domine, ut

semper tecum vivamus,
Tua beneficia

saepe cogitemus,
Concede nobis gratiam,

ut te collaudemus
Et ad superna gaudia

viam dirigemus.

21. Hodie, savator,

conserva nos et semper,
Concede tuis famulis,

ut te rexerenter
Cognoscant verum Dominum,

qui cuncta potenter
Disponis, et veniam

nobis da clementer.

22. Et dimitte criminum

noxium ligamen,
Qui certasti fortiter

nobile certamen,
Crucis in patibulo

solvisti ligamen,
Te esurientibus

rere das libamen.

23. Nobis dux et semita,

bone Iesu Christe,
Sis et peccatoribus,

petimus, assiste,
Ut a peccatis omnibus

caveant, resiste
Et semper nostris mentibus

dulciter insiste.

24. Debita remitte,

quibus obligati
Tibi sumus fortiter,

paterna peccati,
Quibus si fuerimus

a te liberati,
Erimas ad gratiam

cito praeparati.

25. Nostra sunt peccamina

tot et tam diversa,
Ex misericordia

nisi sint aspersa,
Nobis procul dubio

parata sunt adversa;
Succurre nobis, Domine,

peccata sint abstersa.

26. Sicut vis et expedit

et sicut tibi placet,
Fiat de nobis, Domine,

et, si lingua tacet,
Cor meum semper vigilet

operibusque vacet,
Surgat, qui criminibus

involutus iacet.

27. Et nos, qui sumus fragiles,

pravis declinantes,
Fac in tuis laudibus

fortes et constantes,
In bonis operibus

esse declinantes,
Relinquendo vitia

virtutes operantes.

28. Dimittimus, quo iugiter

debemus operari,
Studemus assidue

bruta imitari,
Semper cum miseria

nimisque avari,
Concede nobis, Domine,

tecum delectari.

29. Debitoribus debita

nunquam relaxamus,
Immo nostra credita

semper postulamus
Et non persolventibus

poenas praeparamus,
Signum est, quod proximos

certo non amamus.

30. Nostris adversariis

parcere debemus,
Mala inferentibus

dona redonemus,
Qui nos habent odio,

dulciter amemus
Et pro eis Dominum

iugiter oremus.

31. Et ne nos despicias,

pater, te precemur,
Impetremus veniam,

culpam qui meremur,
Libera nos debito,

pater, quo tenemur,
Ut in tuis laudibus

semper delectemur.

32. Inducas nostris oculis

fontem lacrimarum,
Ut plangamus crimina,

dator gratiarum,
Cor contritum praepara,

ut semper sit amarum
Ex delictis pectorum,

dator veniarum.

33. In temptationem duram

currimus frequenter,
Defende nos, benignus

pater, quaesumus, clementer,
Ut pobsimus temptatori

resistere potenter,
Et nostras infirmitates

cura diligenter.

34. Sed libera nos, Domine,

libera, clamamus,
Nos a peccatis omnibus,

libera, rogamus,
Libera, qui noxia

mala reportamus,
Libera, qui criminum

iugo semper stamus.

35. A malo mortis turbine,

Christe, nos defende,
Matris tuae meritis

te nobis ostende
Et, si mala gerimus,

veniam impende,
Supplicum defectibus

propitius intende.

36. Honor, laus et gloria

sit summae maiestati,
Portemus reverentiam

almae trinitati,
Toti caelesti curiae,

ut semper sint parati
Ad impetrandum veniam

de turbine peccati.