33.

1. In hoc ortus occidente
Sol emergens de torrente

Tenebras illuminat,
Nostrae sortis umbra tectus
Fert languores et defectus,

Morte mortem terminat.

2. Infirmatur rex virtutum,
Ut reformet destitutum

Reparator sedulus,
Carne verbum est indutum,
Nec terrenae faecis lutum

Aspernatur figulus.

3. Obumbravit matri flamen,
Quae concepit, salvo tamen

Pudoris signaculo,
Parit nata genitorem,
Factor saecli supra morem
Factus est in saeculo.
4. Nos tuetur ab aerumna
Sol, qui nubis in columna

Populum praecesserat,
Et deleta lege mortis
Mediator manu fortis
Portas vitac reserat.

5. Quae dum reum solvit gratis,
Obviatrix veritatis

Fit misericordia,
Et de luto pax erexit,
Et de coelo nos prospexit

Liberans justitia.

6. Quae vicissim osculatae
Condimenti novitate

Condiuntur osculo
Petrae, de qua manant aquae,
Per quam unum sunt Utraque,

Caput est in angulo.