Sermo XXII .

Domine, inclina coetos tuos et descende, Psalmus .

Loquitur Propheta egregius ad Dei Filium sicut ardentissimus amator salutis hominum in persona totius humani generis; et in his verbis tria facit: primo explicat fastigium potentiae excellentis, ibi: Domine; secundo flagitat beneficium clementiae miserentis , ibi: inclina caelos tuos; tertio postulat solatium praesentiae demulcentis, ibi: et descende.

I. Unius Domini excellentia colligitur ex multis, quia ipse est Dominus incomparabilis ratione maiestatis magnificae; ideo Exodi decimo quinto : Quis similis tui in fortibus, Domine? Quis similis tui, magnificus in sanctitate? et Psalmus: Domine, Deus virtutum, quis similis tibi? et idem: Quis sicut D ominus Deus noster, qui in altis habitat? ideo Psalmus: Non est similis tui in diis, Domine, et non est secundum opera tua.

Infallibilis ratione perspicacitatis clarissimae; Proverbiorum decimo quinto : In omni loco oculi Domini contemplantur bonos et malos; et Psalmus: Dominus scit cogitationes hominum ; et Ieremiae decimo septimo: Ego Dominus scrutans cor, qui do unicuique iuxta viam suam; ideo Ecclesiastici vigesimo tertio : Oculi Domini multo plus lucidiores sunt super solem, circumspicientes omnes vias hominum et profundum abyssi et hominum corda intuentes in absconditas partes; et ibidem: Domino Deo, antequam crearentur, omnia sunt agnita, et post perfectum respicit omnia; et Ioannis ultimo: Domi ne, tu omnia nosti.

Collaudabilis ratione bonitatis amplissimae; propter quod Psalmus : Laudate Dominum, quia bonus Dominus; et idem: Lauda, anima mea, Dominum; et idem: Benedicam Dominum in omni tempore, semper laus eius in ore meo; ideo concluditur: Omnis spiritus laudet Dominum.

Magnificabilis ratione aequitatis rectissimae; Psalmus : Iustus Dominus, iustitiam dilexit, aequitatem vidit vultus eius; Danielis tertio: Benedictus es, Domine, Deus patrum nostrorum, et gloriosum nomen tuum in saecula, quia iustus es in omnibus, quae fecisti nobis, et universa opera tua vera et viae tuae rectae; Psalmus: Iustus es, Domine, et rectum iudicium tuum; Apocalypsis decimo sexto: Domine, Deus omnipotens, vera et iusta iudicia tua.

Propitiabilis ratione pietatis dulcissimae; propter quod Psalmus : Quoniam tu, Domine, suavis et mitis et multae misericordiae omnibus invocantibus te; idem: Apud te propitiatio est etc.; ideo Isaiae quinquagesimo quinto: Revertatur ad Dominum, et miserebitur eius, et ad Deum nostrum, quoniam multus est ad ignoscendum; Psalmus : Miserator et misericors Dominus, patiens et multum misericors; item: Misericors et miserator Dominus, escam dedit Umentibus se; item: Misericordia tua, Domine, plena est terra; unde: Miserationes eius super omnia opera eius.

II. Hunc ergo Dominum Propheta alloquitur, ut inclinet caelos suos, qui sunt tres secundum numerum caelorum et propter tres conditiones in caelo repertas. In caelo quidem est superiori tas praeeminentiae, sicut dicitur Ecclesiastici primo : Altitudinem caeli et latitudinem terrae et profundum abyssi quis dimensus est?

Claritas refulgentiae; Ecclesiastici vigesimo quarto : Ego feci in caelis, ut oriret u''r lumen indeficiens.

Copiositas influentiae; Deuteronomii vigesimo octavo : Aperiet Dominus thesaurum suum optimum, coetum, ut tribuat pluviam terrae tuae in tempore suo. Sic et in caelo Trinitatis sanctissimae est sublimitas potentiae incomparabilis, limpiditas sapientiae imperscrutabilis, benignitas clementiae inenarrabilis. ''

Hos caelos petit Propheta inclinari ad nos, quasi dicat: tu, Domine potentissime, inclina altitudinem potentiae ad assumendam naturam infirmatam per impotentiam; tu, Domine sapientissime, inclina magnitudinem sapientiae ad instruendam naturam excaecatam per ignorantiam; tu, Domine clementissime, inclina dulcedinem clementiae ad redimendam naturam captivatam per malitiam.

III Et quoniam assumtio naturae infirmatae, instructio naturae excaecatae et redemptio naturae captivatae facta est per descensum Filii Dei; ideo dicit: descende.

Descendit quidem Deus in principio ad confundendam humanam arrogantiam; Genesis undecimo : Venite, descendamus et confundamus linguam eorum, ut non audiat unusquisque vocem proximi sui.

Descendet in ultimo ad discutiendam humanam vitam; primae ad Thessalonicenses quarto : Quoniam ipse Domi nus in iussu et in voce Archangeli et in tuba Dei descendet de caelo etc.; et Genesis decimo octavo: Clamor Sodomorum et Gomorrhae multiplicatus est, et peccatum eorum aggravatum est nimis, descendam et videbo, utrum clamorem, qui venit ad me, opere compleverint.

Sed nunc petit descensum ad assumendam humanam naturam, de quo potest intelligi illud Iudicum decimo quarto : Descendit Samson et loculus est mulieri, quae placuerat oculis eius, ut acciperet eam, quia tunc descendit ut sponsus suavissimus in Virginem; ideo ipsa dicit Canticorum sexto: Descendit dilectus meus in hortum suum ad areolam aromatum, ut pascatur in hortis et lilia colligat, ut scilicet delectetur in animabus castis et sanctis

Hic autem descensus appetendus et postulandus erat, quia tunc descendit ad visitandum amicos ut amicus veracissimus; ideo dicitur Canticorum sexto : Descendi in hortum meum, id est mundum, ut viderem poma convallium et inspicerem, si floruissent vineae et germinassent mala punica. Sancti dicuntur poma propter dulcorem vitae; vineae, propter odorem doctrinae, sed mala punica propter ruborem patientiae vel amicitiae

Ad satiandum famelicos sicut cibus efficacissimus; ideo dicitur Ioannis sexto : Ego sum panis vivus, qui de caelo descendi; si quis manducaverit ex hoc pane, vivet in aeternum; et ibidem: Hic est panis de caelo descendens, ut si quis ex ipso manducaverit, non moriatur; et ibidem: Panis enim Dei est, qui de caelo descendit et dat vitam mundo.

Ad rectificandum devios sicut splendor illustrissimus; secundi Esdrae nono : Descendisti et loculus es cum eis de caelo et dedisti eis iudicia recta et legem veritatis; et Exodi decimo nono: Descendit Moyses de monte ad populum et omnia narravit eis; et ibidem: Descende et contestare populum, ne velit transcendere terminos ad videndum Dominum, et pereat ex eis plurima multitudo.

Ad inflammandum tepidos ut calor inflammativus; propter quod dicitur Exodi decimo nono : Totus mons Sinai fumabat, eo quod Dominus descendisset super eum in igne; et Lucae duodecimo: Ignem veni mittere in terram, et quid volo, nisi ut accendatur?

Ad curandum morbidos sicut curat or reparativum; ideo signatur per descensum Angeli, de quo Ioannis quinto : Angelus Domini secundum tempus descendebat in piscinam, et movebatur aqua, et qui prior descendebat in piscinam post motionem aquae sanus fiebat, a quacumque detinebatur infirmitate; per quem potest significari Christus, qui nostros languores curat; Lucae sexto: Descendens Iesus de monte stetit in loco campestri, et turba discipulorum eius et multitudo copiosa plebis ab omni Iudaea et Ierusalem et maritima et Tyri et Sidonis , qui venerant, ut audirent eum et sanarentur a la ngu oribus suis. Et qui vexabantur a spiritibus immundis curabantur. Et omnis turba quaerebat eum tangere, quia virtus de illo exibat et sanabat omnes.

Ad sanctificandum foetidos sicut pontifex vel mediator purificativus; ideo dicitur Exodi decimo nono : Descenditque Moyses de monte ad populum et sanctificavit eum; de hoc ad Hebraeos decimo: Sanctificati sumus per oblationem corporis Christi; et infra: Una enim oblatione consummavit in sempiternum sanctificatos.

Ad laetificandum afflictos sicut consolator laetificativus, quos Christus consolatur in tribulatione; Sapientiae decimo : Descenditque cum illo in foveam et in vi ncul is non dereliquit illum, donec afferret illi sceptrum regni et potentiam adversus eos qui eum deprimebant.

Ad liberandum oppressos sicut

liberator praestantissimus; Exodi tertio : Vidi afflictionem populi mei in Aegypto et clamorem eius audiui et descendi, ut liberem eum de manibus Aegyptiorum et educam in terram bonam et spatiosam, quae fluit lacte et melle; et ad Ephesios quarto : Descendit primum in inferiores partes terrae, quia Matthaei tertio: Sic decet nos implere omnem iustitiam.

Ad glorificandum subiectos sicut glorificator altissimus; ad Ephesios quarto :

Qui descendit, ipse est et qui ascendit super omnes caelos, ut impleret omnia; factus est enim peregrinus secundum illud Genesis duodecimo: Descendit Abram in Aegyptum, ut peregrinaretur ibi, u t peregrinos exaltaret. Sicut descendit autem in incarnatione, sic ascendit in ascensione; propter quod dicitur Isaiae trigesimo octavo : Reversus est sol decem lineis per gradus, quos ascenderat.