24.
In nativitate Domini.

1. Beant laude varia
Coelum, terra, maria

Deum indefesse,
Verum nos prae ceteris
Ut laudemus aetheris

Regem est necesse.

2. Qui nos sapientia
Fecit et clementia

Conservat In esse,
Deus potens, sapiens,
Bonus, VI nil rapiens,
Dignatus adesse.

3. Dum felices fuimus,
Per parentes ruimus,

Sic habebat res se,
Verbi quod carnatio
Sola reparatio

Genti foret esse.

4. Mater virgo placuit,
Cujus alvo jacuit,

Qui venit prodesse.
Ex qua nasci voluit
Christus, qui condoluit
Naturae transgressae.

5. Natus hosti nocuit,
Nam et cultum docuit

Fidei professae,
Quo meremur bravium
Fructuum suavium

In salutis messe.

6. Cujus nato canimus
Proli, vacet animus

Virgini progressae.
Fides sic erigitur,
Benedictus Igitur

Sit flos stirpis Jesse.

7. Tibi servientibus
Et nato psallentibus,
O virgo favesce.