23. De Beata Maria V.

1. R''eginarum dominam,
''laudemus gloriosam,

2. ''Quam matrem Dei
''nisu omnes adorant.

3. Immensam gratiam

milia gaudent miranturque
potentiam.

4. Nam Deum meruit

concipere venturum gentes
ad salvandas.

5. Divinitas in
Maria disposuit,
ut assumeret servi formam ;

6. Rex regum, Deus
omnium et creator
homo factus est ex Maria.

7. Mundum illustrat, caelum ornat
exiens ex Iacob rutilans
maris stella ;

8. Leviathan, serpentem torvum,
pede premit virgo maxima
potentia.

9. Nato Magi Mariae
deferunt munera:
aurum, simul tus et mirram,

10. Parvulumque praedicant
ture Deum, auro
regem mortalemque mirra.

11. Te laudantes, virgo,
protege ab hostibus
et ad caelestia
perduc regna ;

12. Et tui famuli,

Maria, gratulantur
nequam evasisse
hostis iura.