25. Super Pater Noster.

1. later alme, vere Deus,
Ad te clamo tamquam reus,
Ut tu sis adiutor meus

Cum tuis virtutibus.
Noster optime salvator,
Deus omnium creator,
Tu es gratiarum dator

Hic et in caelestibus.

2. Qui es et in infinitum
Deus eris, cor contritum
Praesta, precor, praemunitum

Esse cum humilibus.
In caelis tu nos dignare,
Sancte Deus, collocare,
Ibi fac nos habitare

In supernis aedibus.

3. Sanctificetur in aeternis
Tua laus et in supernis,
Custodi nos a sempiternis

Poenis infernalibus,
Nomen sanctum est verendum
Dei, non contradicendum,
Super omnia colendum

Semper ab hominibus.

4. Tuum velle, sanctum totum,
Debet esse cunctis notum,
A peccatis me remotum

Fac cum sacerdotibus,
Adveniat tua virtus,
Lenitas dictae virtutis,
Ne cogat sanctus spiritus

Te cum habitantibus.

5. Regnum tuum est cunctorum,
Salus nostra redemptorum,
Praesta, Deus tuum chorum

Cum superioribus.
Tuum regnum est beatum,
Salus bonis deputatum,
Est et aptum et paratum

Tibi servientibus.

6. Fiat nobis verum caelum
Trina spes et totum verum,
Videamus omnem zelum

A proicientibus.
Voluntas vere divina
Sancta manet in doctrina,
Ut nos servet a ruina,
Ab inferioribus.

7. Tua vota sunt aeterna,
Ut ducamur ad superna,
Vivamus in sempiterna

Cum aeternis fratribus.
Sicut Adam tu plasmasti
Et post ipsum tu citasti,
Libertatemque donasti
Omnibus mortalibus.

8. In caelo tu nos largire
Summa gaudia sentire,
Te videre et audire

Cum te diligentibus.
Et in terra sic morari
Et honeste conversari,
Ut dotemur omnes pari

Vita cum viventibus.

9. Panem sanctum spiritalem,
Nostrae vitae specialem,
Praesta, Deus, vitam talem

Digne manducantibus.
Nostrum Deum timeamus,
Illi pie serviamus,
Ut ad ipsum fugiamus

Relictis criminibus.

10. Cotidianum et verum,

Vitam, carnem atque morum,
Praesta,Deus,nunquam saruia

Ipsum manducantious.
Da nobis et nostrae genti
Vitam, Deus, in praesenti,
Vitam vivere viventi

Cum dictis hominibus.

11. Hodie sit praesens vita
Virtuosa, redimita,
Tua gratia munita

Tuisque muneribus.
Et dimitte servientes
Tuos esse paenitentes,
In futurum sint gaudentes
Cum vere gaudentibus.

12. Nobis Deus det aeternus,
Qui nostrorum est supernus,
Quod a nobis sit infernus

Procul cum daemonibus.
Debita tolle culparum,
Sancta salus animarum,
Praesta velle non ignarum

Te desiderantibus.

13. Nostra, Deus alme, vota,
Quae tu habes vere nota,
Tribuantur tibi tota

Et tuis indicibus.
Sicut et nos viles sumus,
Nostrum corpus vilis humus,
Vita nostra velut fumus

Transit horis brevibus.

14. Dimittimus in hoc mundo
Cunctas opes transeundo,
Ad te clamo de profundo,

Deus, magnis vocibus.
Debitoribus peccata
Tu dimittis, qui beata
Servis tuis das mandata

Omnibus temporibus.

15. Nostris precibus intende,
Sancte pater, nos defende,
Nos consortes fac praebendae
Polorum heredibus.

Et ne nos desideremus,
Quod vitare nos debemus,
Ac vigiliter oremus
Cum devotis mentibus.

16. Inducas atque compelle
Nos in tuum sanctum velle,
Mala nostra cuncta pelle,

Da bona credentibus,
In temptationem ream
Non inducas mentem meam,
Liberare velis eam

A temptationibus.

17. Sed libera tuam gentem,
In tuo nomine credentem,
Et a terra refugientem

In necessitatibus.
Nos a malo liberatos,
Sancte pater, fac beatos,
In caelestibus locatos
Cum sanctis spiritibus.

18. Amen ultimo cantamus

Et in signum, quod optamus,
Quidquid recte postulamus
Cum orationibus.