LEGATI

Die 31 Iulii 1869.

S u m m a r i a p r e c u m . Maria N. vidua Bussottil suo testa- mento anno 1867 quandam Regularium familiam haeredem instituit exsecutore testamentario constituto fratre suo. Inter cae- teros legatarios reperta est quaedam Clementina Bussottil, cui centum scutata reliquit, conditione adiecta, ut si testatrici prae- moreretur, ea scutata impenderentur in tot Missas quot celebrari possent in suffragium testatricis.

xVlortua testatrice apertoque testamento, nulla reperta est persona in familia Bussotil, quae Clementina appellaretur nec unquam extitit: reperiebatur tamen in ea familia vir nomine Clemens. Quare Clemens contendit sibi pertinere legatum, quod ex errore scripta esset in testamento Clementina loco Clementis.

Executor testamentarius anceps haerens supplicem libellum exhibuit S. C. C. ut id dirimeretur.

ANIMADVERSIONES EX OFFICIO. Cum in facto plene constaret ne- que esse in dicta familia neque antea fuisse mulierem nomine Clementinam, inspiciendum esse an erratum fuerit in nomine, et an aliunde constare posset de persona legataria, quae in prae- sentia Clemens esse dicebatur.

Legimus enim in I. 4 Cod. de Testam. « Si in nomine vel praenomine seu cognomine seu agnomine testator erraverit, nec tamen de quo .senserit incertum sit ; error huiusmodi nihil officit veritati ». Item in Instit. tit. de Legat. §. 29. « Si quis in no- mine, cognomine, praenomine, agnominé legatarii testator errave- rit, si de persona constat, nihilominus valet legatum, idemque in haeredibus servatur et recte. Nomina enim significandorum ho- minum gratia reperta sunt, qui si alio quolibet modo intelligan- tur, nihil interest ».

Porro in praesentia gravia haberi indicia errorem irrepsisse per tabellionem, qui loco Clementis, Clementinam scripserit, id quoque opinante exsecutore testamentario, qui ut dixi erat frater testatricis. Sed ad rem maxime facere animadversum est, testimonium cuiusdam Sacerdotis M. qui testatus est: se iussu testatricis concinnasse eius voluntatem testamentariam, quam illa