25.

De corpore Christi.

1. Gaude, Sion, et laetare,

Corde, mente jucundare,

Nam hic panis vivus arae

Coelique servatur, quarc

Huc caput Inclinabis.

2. Hic est panis angelorum,

Spes et vita beatorum,

Factus cibus viatorum,

Medicina populorum,

Quem dignc adorabis.

3. Edentique damnatio

Fit, ni praesit mundatio,

Ut legis docet ratio,

Ac tibi, ut salvatio

Sit, isthac conclinabis.

4. Rudis, doctus firma mente,

Herus credat cum cliente,

Forma prima remanente

Panis caro quod repente

Fit, quod hic adorabis.

5. Atque sensu, mi dilecte,

Si non capis hoc perfecte,

Adsit fides, vis ne sectae

Falsae te seducat, recte

Huc caput Inclinabis.

6. Et ut exemplificari

Plusque possint Informari

Ad credendum In hoc cari,

Quaedam dement enarrari,

Hunc panem adorabis.

7. Rivus quidam, ut narratur,

Istud mirum operatur.

Qui, si lignum Imponatur,

Jam In saxum transmutatur,

Huc digne reclinabis.

8. Dicit etiam scriptura,

Tini lymphae quod natura

Fuit data, quod statura

Conjux Loth mutata dura,

Hunc panem adorabis.

9. Vacillare nec In pane

Ergo debes, qui tam mane

Erit caro sicut sane

Verba dixerit nec vane

Sacerdos, Inclinabis.

10. Sibi Christus cum donare

Pius voluit, quod arae

Panem potest transmutare

Sic In Dei carnem, quare

Hunc summe adorabis.

11.O prae digna Dei caro,

Panis vive, fac ne pharo

Nos seducat cum avaro,

Sed jungamur coetu caro,

Hunc digne reclinabis.

12. Quo dulcissimum solamen

Habeamus nec gravamen

Quod concedat Deus. Amen:

Ergo reclinando flamen

Hunc plene adorabis.