26. De Praesentatione BMV.

In 1. Vesperis.
Super Psalmos.

A. Veni, dulcis virguncula,

Radicis Jesse virgula,

Columba sine macula,

Regis aeterni filia,

Columna templi fulgida,

Placens et viva hostia,

O decoia infantula,

Maria splendidissima.
R. Gaude et laetare,

Urbs nobilissima,

Civitas regis

Summi Jerosolima,

Adornare

Templum sanctum et altare,

Gratulare,

Israel, et jucundare,

Ecce, advenit pia

Virgo Maria,

Terrarum domina,

Caelorum regina.
V. Haec est civitas Dei,

Templum Domini,

Et sacrarium

Spiritus paracliti.

Ad Magnificat.
A. Ave, Maria, plena gratia,
Per quam datur misericordia,
Salus, vita, honor et gloria,
Sis benedicta inter omnia,
Sis benedicta super omnia,
Te laudent, te adorent omnia,
Sacra haec tua praesentatio
Sit caeligenis gratulatio,
Sit terrigenis exsultatio
Et sempiterna benedictio.

Ad Matutinum.

Invitatorium.
Salve, stella maris,

jubilo sancto veneraris,
Sit tuus adventus

simul introitus benedictus.

In 1. Nocturno.
Antiphonae.

1. Infans lactensque Maria,
Dei genitrix futura
Infertur in templum pia
Suae genitricis cura.

2. Quod prophetae praecinerunt
Ob Christi memoriam,
Hoc caeli enarraverunt
Ad matris Christi gloriam.

3. Montem Dei haec ascendit
Innocens per omnia
Virgo mater nec attendit
Vana mundi somnia.

Responsoria.

1. Advenisti, desiderabilis,
Omnium saeculorum saeculis,
O virguncula conspicabilis,
Futura mater venerabilis?
V. Salve flos campi,

lux caeli, gloria mundi.

2. Quam praeelegit sibi Dominus
Ex. multis milium milibus,
In templo presentatur Domino
Debito parentum officio ;
V. Imperitans cunctis

infans gestatur in ulnis.

3. O benedicta, o speciosa,
Virgo virginum o gloriosa,
Tibi plaudit caeli militia,
Te collaudat sancta ecclesia,

V. Omnes exsultent

et laudes voce resultent.

In 2. Nocturno.
Antiphonae.

1. Humilis in templum lata
Adstat in caelestibus,
Super omnes trabeata
Nunc virtutum vestibus.

2. Perfert ipsa templo sisti,
Prout istud lex mandavit,
Ipsa tamen templum Christi,
Quod altissimus dicavit.

3. Quam mira, quam gloriosa
De te dicam, Dei castrum,
Nunc praeclara, nunc formosa,
Super omne regnans astium.

Responsoria.

1. Offertur sanctum

Domino vivens holocaustum,
Divini totum

spiraminis igne crematum,
V. Hoc super altare

dulci fit odore suave.

2. Igne Dei fragrans,

dulci spiramine fraglans,
Sancta Deo viva

placet hostia virgo Maria,
V. Spirat odore bono

caelesti praedita dono.

3. Praefigurata caelitus,
Repromissa divinitus,
Virgo prodit spectabilis,
Omnibus desiderabilis ;

V. Effloret virga,

pia regia virgo Maria.

In 3. Nocturno.
Responsoria.

1. Miris varietatibus,
Omnigenis ornatibus
Procedit, ecce, splendida
Regis caelorum filia,
V. Virgo, sponsa Dei

dignaque mater ei.

2. Ave, gemma principalis
Universae sanctitatis,
O Maria, O quam pia,
O benigna, O quam digna !
V. Virgo mater, omni hora
Natum pro nobis implora.

In Laudibus.

Antiphonae.

1. Surgens ut aurora,

benedicta Maria decora,
Respicias famulos
nos, pia virgo, tuos.

2. Ignis divinus

ut nos illuminet intus,
Sancta Maria, tuis
obtineas meritis.
3. Prava refrigeant

in nobis sancta calescant,
Christus ut hoc donet,
mens pia nunc vigilet.

4. Splendida, formosa,

mitis, dulcis, generosa,
Nos agnosce tuos,

pia sit tua cura super nos.
5. Nil tibi difficile,

nil quippe negat puer ille,
Nasci dignatus

de te mitissimus agnus.

Ad Benedictus.

A. O virgo sancta,

mater Domini veneranda,
Nos rege, nos serva,

rogitat te nostra caterva,
Quo te ductrice

capiamus pascua vitae.

In 2. Vesperis.
Ad Magnificat.

A. Omnis fidelis anima
Laudet Dei magnalia,
Cujus misericordia
A sacculis in saecula;
Qui respexit
Mariae humilitatem,
Quam exaltavit
Ditando matrem virginem,
Ejus prece et meritis,
Christe, miserere nobis.