Capitulum XXIV.

De disciplina in gestu membrorum .

1. Est et in aliis membrorum corporis, sive oculo- ru"i, sive orig, sive brachiorum manuumque officiis, disciplinao studendum , de quibus adhuc aliqua breviter supponentur.

Amatores igitur honestatis oculos ab inordinata evagatione et exaltatione in mensa et in choro praecipue diligenter custodiant. Scriptum est enim : Oculi stultorum in finibus terras; et: Exaltatio oculorum est dilatatio cordis. " Levat quidem Propheta oculos, ut petat auxilium, Dominus, ut impendat. Tu quoque, si locum, tempus et causam considerans, tua vel Fratris necessitate oculos levas, non solum non culpo, sed etiam plurimum laudo: hoc enim excusat miseria, illud commendat misericordia. Sin alias, non Prophetae, non Domini, sed Dinae, aut Evae, immo ipsius satanas te imitatorem dixerim ".

2. Non sint in risu faciles nec in voce clamosi. Cachinnus praecipue gravitatem Religiosi plurimam dehonestat. Vile prorsus est, religiosum virum ut puerum cachinnare. Non licet, religiosum virum dissolutis labiis risum proferre, sed hilari vultu cordis hilaritatem praetendere. In datione pacis labia semper claudant, quibus apertis, turpiter exhibetur. Nares non in aliorum aspectu, sed ad partem cum duorum tantum aut trium appositione digitorum emungant. Seorsum etiam spuendum est, maxime in conventu Fratrum, ne loca publica, sive in choro, sive alibi, sputo foedentur, et astantium oculi offendantur. Pudet quidem in ipso chori deambulatorio ad pedes suos palam Fratribus spuere nec pudere.

3. A notabilibus corporis seu membrorum ostensionibus , quae cum oscitationibus vel alias non sine quadam inhonestate fieri solent, omnino abstineant. Tunc enim sunt corpus et brachia comprimenda, ne cum huiusmodi pigritia extendantur. Honesto incongruum viro, pigra membra '' distensione resolvi, Dissolutiones fugiant manuales: grandia namque causant pericula, soletque luctus ludo accidere corporali. Et post comestionem praecipue se a iocositate notabili et multiloquio studeant temperare. Siquidem, licet omni tempore dissolutionis levitas sit vitanda, post refectionem tamen, vel alias cum solo Fratre et iterum coram conventu turpius agitur . Turpissima est dissolutio in conventu.

Ad baec alium quempiam praoter necessitatem ad cingulum vel manum accipere, flores, fructus, vel baculum in manu otiose gestare, cingulum inter digitos volvendo rotare, honestati non consonat, immo lascivias signum quodammodo praetendit.

In lotione manuum, quando de vase mobili aqua recipitur, vas ipsum nunquam a parte superiori, praecipue manibus distillantibus, sed per ansam potius, vel a latere, vel a fundo accipiant, ne guttis manuum aqua residua sordidetur.

" In lecto se honestissime iacendo componant ; nec supini iaceant nec genua levando calcaueos iungant ad tibias ". Haec et similia non sunt ut minima temere aspernanda. Clara nonnunquam conversationis insignia quaedam in minimis obfuscant ineptiae. Plerumque, modicis paulatim per incuriam subrepentibus maculis, tota morum congeries inquinatur. ''