HISPALEN. 27

Idem dici posse videtur de suspensione ex informata conscientia posterius inflicta et de declaratione censurae ab eodem incursae. Rev. Castilla longo tempore a sua abfuit residentia absque venia Ordinarii ; reversus ad paroeciam sty- lum minime mutavit ; rursus oeconomos urgere, eorum iura spernere, in ministros ab Archiepiscopo positos saevire in deliciis habuit ; atque eius audacia adeo crevit, ut Decanum Capituli, Ordinarii vicem gerentem in excommunicationem incursum dixerit. Neque satis. Ephemerides de iis quae in- ter parochos agitabantur scribere coeperunt ; Ordinarium im- petere, gesta Curiae criticare, rebelles sustinere, falsa dif- fundere, scandala suscitare atque nutrire, earum opus erat. Interim Curia Hispalensis advertebatur horum omnium se- cretum auctorem, vel saltem promotorem esse parochum Castilla. Hic monitus ut desisteret, noluit imo acrior in oppugnanda auctoritate ecclesiastica evasisse videtur. Hisce in adiunctis Decanus, qui ¿tunc erat Gubernator Ecclesiasti- cus, sede plena, ut in Hispanus dicitur, assumptis ulterio- ribus informationibus, extraiudicialiter procedens, ob ea quae secreto cognoverat, suspensionem ex informata conscientia Rev. Castilla mulctavit ; ob vero alienae iurisdictionis viola- tionem, quae omnibus notissima erat, eum declaravit incur- sum in excommunicationem, Summo Pontifici speciali modo reservatam, iuxta paragr. VI Constitutionis Apostolicae Se- dis. Et mirum est quomodo Rev. Castilla, qui ceteros in hanc censuram incidisse pluries dixerat, summopere se of- fensum tenuerit.

Quidquid dici velit de modo quo hac in re usus fuit Rmus Decanus,, certissimum est a suspensione ex informata conscientia solum recurri posse ad Summum Pontificem, sicut centies definitum fuit ab hac S. Congregatione; ideoque recursus ad Rotam nullus esse videtur. Barbosa ad Sess. 11, c. 1 De reform.; Gallemart eod. loc. Benedictus XIV De Syn. Dioeces, lib. 12, 4 et 5; ubi plures affert S. C. C. re- solutiones ut Verulana 3 Aprilis 1625; Bononien. 14 No- vembris 1654.