DIVISIO ET EXPOSITIO TEXTUS.

Subito est, quod est praeter spem, etc.

in superioribus epistolis respondet Dionysius quaestionibus Caii monachi de divinitate : nunc incipit respondere quaestionibus ejus de Christi Incarnatione, et hoc in duabus epistolis, in quarum prima respondet quaestioni factae de Incarnatione quantum ad ipsum fieri : in secunda quaestioni de Incarnatione quantum ad factum esse, quae incipit, ibi (epist. IV), Quomodo dicis, etc.

Quaestio prima occasionabatur, Malach. III, 1 : Statim veniet ad templum suum Dominator, etc. Pro quo habet Graeca littera quae est septuaginta interpretum, " Et subito veniet. " Videbatur enim Caio de hoc esse dubitandum : quia quod per longa tempora differtur, non dicitur subito accidere : sed. Christi Incarnatio fuit longo tempore post illam prophetiam : ergo non subito

ex abdito suprasubstantialem illum in conspectum nostrum humanitus substantiatum prodiisse. Attamen occultus etiam est post ipsam manifestationem ; aut, ut divinius dicam, in ipsa manifestatione : etenim hoc Jesu mysterium occultum est, nec ullo sermone vel intellectu expressum ; quinimo dum profertur, arcanum ; et dum intelligitur, ignotum manet.

venit. Huic ergo quaestioni respondet Dionysius in hac epistola : et quia in responsione oriebatur alia quaestio, ideo illi quaestioni respondet in secunda parte epistolae, ibi, Occultus autem , etc.

Prima pars autem dividitur in duas. In prima diffinit ly subito. In secunda adaptat ad propositum, ibi, In benignitate autem secundum Christum, etc.

Dicit ergo primo, quod illud dicitur subito fieri et esse, quod est praeter spem, et quod educitur de non apparente, id est, ex occulto ad manifestum : sicut dicitur, aliquis subito venit, cujus adventus non exspectabatur, qui manifestatur nobis per praesentiam suam, qui prius non apparebat in sua absentia.

Deinde dicit : Et hoc arbitror Theologiam, id est, sacram Scripturam significare in benignitate secundum Christum, et materialiter sumatur, id est, in benigna Christi Incarnatione, quando dicit eam subito affuturam, id est, ipsum Christum, factum substantiam humane, id est, factum in natura humana, supervenisse ex occulto supersubstantiali, id est, ex occulto divinitatis, ad nostram manifestationem, qua nobis vel in nostra natura visibilis apparuit : " Eo enim est " missus et venit, quo factus, " ut dicit Augustinus.