'' 26.

'' De .S. Johanne Evangelista.

1. In Johannis solemnio

Fidelis psallat contio

Exsultans cordis jubilo,

Quem sibi rex altissimus

Adscivit specialius

Suo cubantem gremio.

2. Hic est Ille discipulus,

Cujus cor, mens et oculus

In amarum traducitur,

Et secretis coelestibus

Prae ceteris mortalibus

Perfectius Imbuitur.

3. Thesaurum sapientiae

Sparsit natis ecclesiae

Dispensator mellifluos,

Quem mira plenitudine

Hausit In lucis lumine

Contemplator praecipuus.

4. Cibi coelestis dapifer,

Archani Christi signifer

Deliciatur plenius,

Trinitatis triclinium

Et unitatis solium

Pandit prae cunctis altius

5. Vires transcendit hominis

Loquens de verbo luminis,

Quod erat In principio,

Si tonuisset altius,

Non haberet ulterius

Locum vagandi ratio.

6. Coaequari quis audeat

Huic, quem sic, donec venerat,

Christus manere voluit,

Qui, dum matrem assumeret,

Discipulum relinquere

Hic In terris non debuit.

7. Fervens exivit oleum,

Virus degustat horridum

Fultus auctore fidei,

Hoc exstinctus condoluit

Quos mox vitae restituit

Nomen Invocando Dei.

8. O Johannis amabilis,

Qui conregnas coelicolis,

Trahe nos de miseria,

Nostras voces harmoniae

Jungas coelestis patriae,

Ubi laus est et gloria.