25. In die Pentecoste.

1. Eia, clama
"Alleluia"

2 a. Ex corde,
sancta familia.

2b. Dic Christo:
Sit tibi gloria ;

3 a. Hodie fecisti
nobis gaudia
consolantia

3 b. Gratia praecelsa
dante spiritus
sancti munera.

4 a. Factus sonus hodie
ignea sanctorum
fecit corda.

4b. Orbis totius datis
linguis mundo fantur
insolita.

5 a. Iudaea dura cordis
perfidia

ad haee exclamat
rabida facta:
Vino sunt ebrii,
quos talis agitat
furia.

5 b. Audet Petrus et clamat ;
non est, inquit,
vesania in
nobis, sed sancti
spiritus gratia
haec, quae auditis, dat
miranda.

6 a. Christus ille noster, morte
quem vos punistis dira
nescientes
legis praecepta,

6b. Surrexit die tertia
virtute sua mira,
caelica nunc
tenet culmina.

7 a. Unde iudex

est venturus, cuncta

iudicabit

proponens omnia,

maiestatis

sedens in gloria.

Ipse fecit ista

per nos in vobis miracula".

7 b. Ad haec stupens
manus Iudaica:
"Date nobis,
fratres, consilia,
ne nos damnent
illa iudicia".
Sic mente recepta
baptizantur multa milia.

8 a. Hoc fecit illa bona
gratia deifica,

8b. Quae cito prava.corda
convertit ad optima;

9. Assit nobis propitia.