36.

1. Sion, silere noli,

Quod sinum pandit proli

Deo dicata soli
Virguncula,
Sed viri copula

Non tangitur,

Nec frangitur
Pudoris regula.

2. Samsonis instar fortis
Fractis inferni portis
Nos evocat a mortis

Ergastulo,

Qui lactis pabulo
Nunc pascitur
Et nascitur

Deus in stabulo.

3. In Gedeonis messe,
Si discutis expresse,
Quod reperis adesse

Sub palea,

Hoc carnis trabea;
Dum tegitur,
Compluitur

Vellus et area.

4. Stella Maria maris,
Mater ignara maris,
Quem parem Deo paris

Et homini,

Hic fit in domini
Praesepio
Refectio

Bovis et asini.

5. Muneribus oblatis,
Quam, magi, praedicatis,
Jam patet trinitatis

Mysterium,

Quod sidus praevium
Vos docuit,
Dum praebuit

Lucis obsequium.

6. Vos firmat fides sana,

Nec somnia sunt vana,

Quibus Hcrodiana
Fraus fallitur,
Sed, quo rex agitur,

Hoc teneros

In pueros

Furor ulciscitur.