27. De Praesentatione BMV.

In 1. Vesperis.
Antiphonae.

1. O mira et laudanda
Clementia,
Isaiae prophetia
Completur in Maria.

2. Dies haec venerabilis
Illuxit nobis celebris,
His promissa
Prophetarum oraculis.

3. Vox concinit prophetica,
Stella putatur fulgida,
Stirpe Israelitica
Homo sumit exordia.

4. Stella ista prophetalis
Figuris lucet praeclaris,
Progenie Davidica
Virgo oblata Maria.

Ad Magnificat.

A. Jesu, piorum gloria,
Sola reorum venia,
Mariae prece virginis
Expiatos contagiis
Paradisi redde gaudiis.

Ad Matutinum.
Invitatorium.

Salve, stella maris,

generis decus imperialis,
Adventus et introitus

tuus sit benedictus.

In 1. Nocturno.
Antiphonae.

1. Mariae venerantes merita
Nos, alme Deus, visita
Sacri flaminis gratia
Prece rogitamus intima.

2. Ergo ducamus gaudia
Hujus diei memoria,
Quo stella haec prophetica
Praesentatur in templum.

3. In templum Dei gradibus
Ter quinis erat aditus,
Quos compositis gressibus
Ascendit fulta caelitus.

Responsoria.
1. Advenisti, desiderabilis,
Omnium saeculorum saeculis,
O virguncula conspicabilis,
Futura mater venerabilis?
V. Salve, flos campi,

lux caeli, gloria mundi.
2. Electa ex milium milibus,
Quam praeelegit sibi Dominus,
In templo praesentatur Domino
Debito parentum obsequio.
V. Imperitans cunctis

infans gestatur in ulnis.
3. Per sacrum sacrificium,
Ritu praecepti editum,
Odorem fert mirificum,
Salutarem, vivificum,
V. Hostia pacifica,
Victima vivifica,
Dominus in sancto
Suo adest templo.

In 2. Nocturno.
Antiphonae.
1. Vivit istud circumplectendo,
In isto inhabitando,
Nam justitiam diligendo
Deus, in caelo sedes ejus.
2. Ingressa est sine macula
Decora liaec virguncula
Inhabitans tabernaculum,
Requiescens in monte sancto,
Ipsa vero mons sanctus Dei.
3. Lauda, felix ecclesia,

Almae matris infantiam,
Cujus immensa gratia
Tibi paravit gloriam.
4. Templo Dei laudibus
Virgo dedicata
A supernis civibus
Gaudet visitata.
R esponsoria.
1. O benedicta, o speciosa
Virgo virginum, o gloriosa,
Tibi plaudit caeli militia,
Te collaudat sancta ecclesia,
V. Omnes exsultent

et laudes voce resultent.
2. Offertur sanctum

Domino vivens holocaustum,
Divini totum

spiraminis igne crematum,
V. Hoc super altare

dulci fit sapore suave.
3. Recolamus virginis inclita
Admiranda laudum praeconia
Infantilis aetatis merita
Et virtutis grata primordia
V. Radiat gratia

Jam in puellula,
Et sapientia
Fulget in parvula.
4. Igne Dei flagrans,

mira dulcedine fraglans,
Sancta Deo viva
placet hostia virgo Maria,
V. Spirat odore bono

caelesti praedita dono.

In 3. Nocturno.
Responsoria.

1. Praeiigurata coelitus,
Repromissa divinitus
Virgo prodit spectabilis,
Omnibus desiderabilis.

V. Effioret virga

pia, regia virgo Maria.

2. Miris varietatibus,
Omnigenis ornatibus
Procedit, ecce, splendida
Regis caelorum filia.

V. Virgo sponsa Dei

dignaque mater ei.

3. Ipsa Dei templum,

petis, o virguncula, templum,
Devote cuncta

implens divina

;

Hostia legitima

datur et placet hostia viva,
Jamque subarrharis

at jamjam sponsa dicaris.
V. Ecce, novam meiam

novit depromere caelum,
Agnoscens dominam

suscipiesque suam.

4. O regina poli,

mater pia, virgo Maria,
Ad te clamantes

salves et suscipe flentes,
V. Lux supernorum, forma bono-
rum,
spes miserorum.

A d Laudes.
Super Psalmos.

A. Ista virgo gloriosa
Progreditur ut aurora
Nova quippe diluculo,
Novitatis miraculo
Per hanc orbis universus
Luce vera est respersus.

Ad Benedictus.
A. IIaec est dies praeclara,
Aurea luce perornata,
Hodie oriens ex alto
Effulsit omni saeculo,
Hodie ex oblatu virginis
Venit redemptio orbis,
Ergo laetemur et exsultemus
Psallentes: Benedictus Deus.

Ad Horas.
Ad Primam.
A. Sicut luna, immo
Pulchrior quam luna,
Cui sol Christus sic illuxit,
Ut et ipsa orbi luxit
In splendore sempiterno
Manens sine detrimento.

Ad Tertiam.
A. Castrorum acies ordinata
Ista virgo Dei sacrata,
Hostium cuneo terribilis,
Angelorum fulta praesidiis,
Vallata multis exercitibus,
Omnium sanctorum agminibus.

Ad Sextam.
A. A saeculis praeelecta
Sieut sol est haec electa,
Clara virtutum fulgore,
Omni praepollens decore,

De qua sol justitiae
Dignatus est procedere.
Ad Nonam.
A. Hujus sacratae virginis
Odor inaestimabilis,
Cujus mira fragrantia
Laetatur caeli regia,
Quam per suum obsequium
Circumdant flores rosarum
Et lilia convallium,
Omnes animae beatae
Passione rubricatae,
Castitate condidatae.

In 2. Vesperis.
Ad Magnificat.
A. Ave, Maria,
Gratia plena,

Ave, virguncula dulcissima,
Caeli regina,
Mundi domina,
Per quam datur misericordia,
Salus honor, vita et gloria.
Sis benedicta
Inter omnia
Et super omnia,
Te laudant et adorant omnia.
Sacra haec tua praesentatio
Fit caeligenis gratulatio,
Sit terrigenis exsultatio
Et sempiterna benedictio.