28 IANUEN.

qui missam celebraret, aliaque urgentiora spiritualia mini- steria populo prastaret, ibi ab Ordinario constituebatur. Ast nuperrime apud plures illorum incolarum desiderium insuper ortum est, vivaque efferbuit contentio, ut separata et inde- pendens paroecia ibidem in oratorio fundaretur.

Verum duo parochi locorum Lorsica et Verzi, necnon et Archiepiscopus petitionibus illius plebis benignas aures haud esse praebendas censuerunt: quapropter, instantibus in- colis loci Castagnelo, res delata fuit ad S. O. Concilii.

Disceptatio Synoptica

DISMEMBRATIO FACIENDA VIDETUR. Patronus, qui causam incolarum Castagneli perora vit, in sua allegatione primum recoluit, ob locorum distantiam vel itinerum difficultatem, quae persuasionem inducat necessitatis vel evidentis utilita- tis, deveniendum esse ad dismembrationem novaeque paroeciae erectionem, ex const. Alexandri III Ad audientiam et cap. 4 sess. 21 C. Trid. expresse atque in terminis praescriptum inveniri. Cfr. et Fagnan. in cap. Ad audientiam De eccles, aedif. n. 19, Piton, discept, eccl. 160 n. 19 Rota decis. 578 n. 1 p. 19 tom. 2 Rec.

Atqui in themate utrumque contingit. Nam Castagnelum a Verzi, duo ferme kilométra distat, tria vero a Lorsica : itinera vero hinc inde asperrima : ceu autumat cognitor geo- metra.

Imo adeo vera est et distantia et itinerum asperitas, ut hisce praecise de causis anno 1837 concessum fuerit, sacel- lum in ea regione erigi et capellanum, qui spiritualibus il- lorum incolarum necessitatibus provideret, a curia dari con- sueverit.

Nec praetermittendum est, haereticos Valdenses, accepta occasione ab oppositione, quae fit erectioni novae paroeciae opera et ministerium suum saepius obtulisse incolis Casta- gnelo, eisdem spondentes quod numquam ministri evangelici