28 NANNETEN,

gitima probatio est repetenda. Cfr. Instr. S. C. C. Aug. 1840 §§ Cum itaque, Expleto examine; Instructio S. C. Inq. a. 1858 et 20 Iun. 1883 (1).

Quare cum in casu depositiones coniugum non discordent, ad adminicula iuris et praesumptiones non est confugien- dum, utrum parti afìirmanti aut parti neganti magis sit credendum, sed unice ex errore aut ex collusione coniugum vis probandi concordi assertioni potest negari. Cfr. cit. Inst. S. C. Inq. a. 1883. At error in casu nostro certe non ha- buit locum, cum in actis iudicialibus nullum habeatur ve- stigium, quod coniuges naturam actus coniugalis ob nimiam quandam simplicitatem ignorarint aut de facto adeo sensi- bili hallucinationibus fuerint obnoxii, collusio vero nullo so- lido argumento demonstratur, imo honestate coniugum at- que ipsa animorum dissensione aliisque iuris adminiculis ex- cluditur.

Quoniam ipso fatente actore in causa i. e. marito et ex consensu uxoris negari non potest, coniuges per sex hebdo- madas in eadem domo cohabitasse eodemque lecto usos esse, praesumptio quaedam ex communiter contingentibus inter coniuges ad copulam habiles videtur militare contra utrius- que coniugis assertionem. Quare maxime in isto casu iuxta recentissimam quoque responsionem S. C. O. in caus. Var- saviensi 16 Iun. 1884, « testimonium septimae manus stri- cto sensu sumptum (exigitur) ad corroborandam confessio- nem coniugum quoad inconsummationem matrimonii ». Quod testimonium septimae manus iuramento credulitatis confir- matum saltem si numerus testium spectetur quoad substan- tiam in actis iudicialibus huius causae exhibetur.

Atque ex parte viri nihil reperitur, quod solide contra testes eorumque depositiones excipi possit. Sunt enim omnes illi septem testes quoad longe maximam partem proxime consanguinei mariti aut ipsi intime coniuncti et noti. Ne- que testium honestas in dubium vocari potest unoque ore

(1) Instructio diei 20 Iunii 1883 relata fuit Vol. XVIII, 344.