III. CARMINA SCHOLARIUM CAMPENSIA.
18. Item de nativitate Domini.
1. Mater regis omnium,
Regina coelorum,
Quae summum auxilium
Es Christianorum,
Placa, rosa primula,
Cum dilecta Ursula
Pinnosaque et Cordula
Coelestem sophian).
2. Adsit cum Constantia
Sancta Florentina,
Verena, Concordia,
Babila, Walbina,
Sigilindis, Theumata,
Sechia et Cleumata
Praestent per sua merita
Coeli melodiam.
3. Praesto sint Scholastica,
Agnes, Katharina,
Margaretha, Barbara,
Agatha, Christina,
Gertrudis, Caecilia,
Sanctaque Odilia
Demonstrent prece sedula
Summae pacis viam.
4. Lucia, Eufemia,
Tecla, Petronilla,
Adsint cum Eugenia,
Prisca, Domitilla,
Juliana, Daria,
Dorothea, Brigida,
Virginumque millia
Et sternant Goliam.
5. Sint cum Theodosia
Praesens Eupbrosyna,
Agape, Chionia,
Irene, Martina,
Walburgis, Eulalia,
Columba, Euphrasia,
Quarum det Deus gratia
Summam theoriam.
6. Dum Christus advenerit,
Virginum amator,
Et cum judex sederit
Agnus speculator,
Mariam cum omnibus
Justis et virginibus
Nobis esse deposcimus
Advocatam piam.
7. R. Gaudeamus pariter,
Cantemus solemniter,
Collaudemus jugiter
Virginem Mariam.
IV.
Cantiones Vissegradenses.
1.
De S. Anna.
1. Felix Sion filia
De stirpe Judaea,
Anna, mater Mariae,
Prodiit ad gaudia
Coelestis militiae.
2. Joachim copulata
Matrona beata
Profert mundo filiam,
Ante nec port aliam,
Christi matrem Mariam.
3. Juncta viris aliis
Deicae sobolis
Exstitit mater pia,
Nobis ferens gaudia
De tanta prosapia.
4. Cleopham cum Salome
Sumis pro conjuge,
Binas gignis Marias,
Sorores eximias,
Creatori caras.
5. Primaeva sed posterus
Praecessit haec duas
Ut rosa Inter spinas
Fracta nobilissimo
Mundoque Inaudito.
6. Altera profert prolem
Jacobum minorem
Joseph justum patiens,
Simonem Judam jungens
Crates deo ferens.
7. Trina producit prolem
Jacobum majorem
Et Johannem aquilam,
Cognoscens matrem Illam
Amicam summe caram.
8. De quarum progenie
Laetemur hodie
Laudes dantes Domino,
Ut nos de exilio
Societ regno suo.
9. Servulos exiguos
Kogat Innocuos
Prolem ut agnoscamus,
Fractum vitae sumamus
In aeternum vivamus.
2.
De S. Dorothea.
1. Ave virgo gratiosa,
Super omnes speciosa,
Virgoque tenerrima,
Dorothea gloriosa,
Es de stirpe generosa
Sed fide pulcherrima.
2. Dominus te ad amavit,
Ideo et praedotavit
Benedicto nomine,
Dum te sanctam dedicavit
Dorotheamque vocavit
In baptismi flumine.
3. Ut In scriba ostendisti
Theophilo, dum misisti
Poma tu cum rosulis.
Dum per portam deduceris,
Capite ut plectereris,
De sponsi tunc hortulis.
4. Dum ad locum tu venisti
Passionis, petiisti
Tuis pro fidelibus,
Ut bi omnes salvarentur,
A poenis eruerentur
Tantisque criminibus.
5. In fine contritionem
Culparum remissionem,
Haec, o beatissima,
Nobis tu In fine dona,
Dorothea virgo bona,
Nostra dilectissima.
6. Eja virgo gloriosa,
Dorothea, vernans rosa,
Praecordialissima,
Nostri cordis tu electa,
Ac prae multis praeelecta
Atque amantissima.
7. Nostram vitam nunc mundare
Tua virtute dignare
Cunctis a piaculis
Atque cunctis a peccatis,
Die noctu perpetratis
Et enormis maculis.
8. Ut post finem hujus vitae
Psallentes laudemus rite
Christum, sponsum virginum,.
Sequentes El genitricem,
Peccatorum adjutricem,
Matrem regis omnium.
3.
Cantio de Domina.
1. Mundi lux volubilis
Sed Inexstinguibilis,
Abigail, placatrix,
Adonai filia,
Sunanitis regia,
Tu plebis, Ruth, amatrix.
2. Fortis Judith diceris,
Hester pulchra nosceris,
Coelestis paradisus,
Vere tu dulcoris mel,
Nesciens peccati fel,
Tu mons es non Incisus.
3. Cella es vinaria,
Vincens pigmentaria,
Tu thronus Salomonis,
Virga Jesse florida,
Rore coeli madida,
Tu vellus Gedeonis.
4. R Suavitatis balsamus,
Castitatis thalamus,
Botrus Cypri, calamus.
4.
De corpore Christi.
1. Vere cerno dominum,
Salvatorem omnium,
Fide complectendo.
2. Natus Dei unicus,
Passusque, crucifixus,
[Natus] ex Maria.
3. Ejusdemque usiae
Cum flato, deo patre,
Non divisum a se.
4.
Sola fide creditur,
Esse nam variatur,
Tegitur epitheto.
5. Laudes cano domino,
Qui nec pane nec vino
Satiat fideles.
6. Qui sola dulcedine,
Panis Imo munere
Certificat nos Jesus.
7. Hoc corpus cum dicitur,
Vere tunc efficitur
Suo In esse Christus.
8. Veni amantissime,
O Jesu dulcissime,
Da te digne praelibare.
9. Sacrum corpus et sanguinem
Theos hic te hominem
Credo venerari.
10. Gor contritum humile
Flecto tibi poplice,
Miserere mei.
11. En gemens Ingemisco
Zeloque zelotisco,
Te digne manducare.
12. Rabbi o sanctissime,
Precor te, me non sine
Post esum dominari.
13. Vates heri comites,
Apostoli, matyres,
Succurrite misero.
5.
De S. Dorothea.
1. Dorotheae festo
Congaudete,
Corde namque praesto
Christo psallite.
2. Virginem Mariam
Collaudate,
Eique laudes
Decantata.
3. Theodoro patre
Nata virgo tenella,
Atque Thea matre
Procreata.
4. A quodam episcopo
Baptizata,
Sponsoque suo
Sociata.
5. Fabricius, praeses
Regni Illius,
Est amore virginis
Stimulatus.
6. Eique pro dote
Spondens clare
Divitias regni
Adamare.
7. Fabricius sedens
In palatio,
Theophilus scribens
Privilegio.
8. Sportulam cum rosis
Tibi dabo,
Filio Mariae
Sociabo.
6.
De B. V. Maria.
1. Salve mundi gloria,
Regina coelorum,
Sanctorum laetitia,
Vita beatorum.
2. Dulcedo munditiae,
Decus angelorum,
Reparatrix gratiae,
Spes desperatorum,
3. Ad te clamant filii
Evae matris flentes,
Mater veri lilii,
Respice gementes.
4. Suspiramus, genitrix,
Ad te, salvatoris,
Nobis ut sis adjutrix
In valle laboris.
5. Pietatis oculos
Super nos Inclina,
Peccatorum loculos
Solvere festina.
6. Nostrum monstra praemium,
Fructum ventris tui,
Benedictum filium,
Quo possimus frui.
7. Cum aeterno Domino,
O clemens, o pia,
Absque ullo termino,
O dulcis Maria.
7.
De S. Jacobo.
1. Jam cuncti psallite,
Mentes attollite
Cordis cum jubilo,
A malis pergite,
Ad Christum venite,
Omnes pro clamate:
2. Care apostole
Fraterque Domini,
Nos per tua merita,
O sancte Jacobe,
Da tecum vivere
In summo aethere.
3. Omnes In visere
Te poscentes vere
Velis, diligere,
Bonarges diceris
Nate Zebedei
Dona nos Domine.
4. Visita propere
In gemitus valle
Nos tuo foedcre,
Sancte Christophore,
Fac nos In opere
In Christo vivere.
8.
De corpore Christi.
1. Mundo Deus nunc Illustra
Robur fidei
Comminuent quod non frustra
Hoc Philistaei
Hostes tui gregis,
Damnatores legis
Per te traditae:
Quotiens feceritis
Et manducaveritis
Fit mis In memoria.
2. Auscultetur Jesu Christi
Haec traditio,
Subdita sit verbo Isti
Omnis natio:
Qui manducat panem,
Legem Implet, tamen
Recto tramite
Qui et bibit merum,
Cernet Deum verum
In coelestibus.
3. In figuris hoc praecessit,
Dum a patribus
Manna Dei non discessit
Sed et matribus
Panem Deus dedit,
Homo tunc comedit
Panem angelorum,
Vi sua Hebraeis
Terra dedit eis
Post maris transitum.
9.
De B. V. Maria.
1. Imperatrix egregia,
Salus humanitatis,
Pauperum suffragia,
Secretum deitatis,
Splendor aeternae majestatis
Atque divinitatis,
Plena vere deliciis.
2. Tu sceptrum regis gloriae,
Potestas summi Dei,
O virgo sapientiae
Et miserorum spei.
Spes Infirmorum cum beatis,
Dulcedo pietatis,
Agonizantes respice.
3. Memento nostri, quaesumus,
Praeelecta satiata,
Ut tuus unigenitus
Dimittat nunc peccata,
Ut In extremis nostris jugiter
Collocet In solatio
Coelesti aeternaliter.
10.
Item de B. V. M.
1. En positive collaudo te for,
Quod sis tota pulchra, dia,
Dulcis, mitis, rutilans, pia.
2. Comparative collaudo te for,
Quod sis sole splendidior,
Astris coeli perspicatior.
3. Superlative nunc laudo te for,
Quod sis matrum uberrima,
Puellarumque pulcherrima.
4. O sancta, sanctior, sanctissima,
Sub tuo gradu dignissima,
Juva mundum perfectissima.
11.
De Annuntiatione. B. V. M.
1. Jam praestolantes gloriam,
Victoriam,
Surgite,
Clara dies Illuxit,
Atram noctem obstruxit,
Et nebula propellitur,
Et umbra terrestris.
2. Nam mystice quem ceperit,
Hunc peperit
Maria,
Coelorum verum lumen,
En pneumatis per numen,
Cui dixit Gabriel,
Angelus coelestis:
3. O, virgo venerabilis,
Laudabilis
Regina,
De stirpe David orta,
Tu vera coeli porta,
Cunctis te laudantibus
Precibus praecelsis.
i.
Trinitatis triclinium,
Tu filium
Vestisti
Carne, patri obediens,
Paraclito consentiens
Per aeterna saecula.
5. R. Ave, ave, gratia plena,
Dominus tecum,
Concipies et paries
Verbum patris altissimi;
Et verbum caro factum est,
Nobisum est,
Et manet In aeternum.
12.
Ad Christum.
1. Modulizemus omnes
Corde, voce, ore,
Concrepantes In laudem
Discanto et tenore
In laudem salvatoris,
Nostri redemptoris,
Jubilose dicentes
Cuncti Alleluja.
2. Qui sanctis suis dedit
Regna debellare,
Sui corporis flammas
Mire suffocare,
Acberontem superbum
Dedit conculcare,
Ex hinc sit Illi laus
Virtus et gloria.
3. Jam ergo Imploremus
Ejus clementiam,
Nobis ut concedat
Talem victoriam,
Mundique furibundi
Spernamus gloriam,
Hostemque devastemus,
Laudes Christo demus.
13.
De Assumptione B. M. V.
1. Virgo prudens graditur
Sidereos thronos,
In omnes extollitur
Angelicos choros.
2. Omni plena gratia,
Scatens fons dulcoris,
Et coeli militia
Praedulci canore.
3. Te praelatam sedibus
Coelicis resultat,
Haec unde plebs laudibus
In terris exsultat.
4. Maria nos precibus
Tuis exauditos
Deus purget faecibus
Pellens pravos ritus,
5. Natus matrem praetuli
Omnibus electis,
Regnum ei contulit
Paratum dilectis.
6. Praebens ei thalamum
Coeli aeviternum,
Unde cepit hominem
Deus sempiternum.
14.
De adventu D. N.
1. In hoc festo Domino
Omnes cum tripudio
Odas resonemus,
Quem non siuit canere,
Miro cantu colere
Ordo supernorum.
2. Quem non cessat dicere
Et ore praedicere
Cetus logicorum,
Ens supremum entium,
Rerum atque gentium,
Creator coetorum.
3. Puerum artificio.
Quod non capit ratio,
Mire ordinavit,
Ex patris consilio,
Mystico officio
Yerbum incarnavit.
4. Tremens virgo percipit,
Paranymphi suscipit
Cum pudore sonum,
Regem regum concipit,
Mox gravari Incipit
Regina coetorum.
5. Verna cohors coelica
Laudat, dos angelica
Infantulum natum,
Stupet ars jam physica
Cernens tam mirifica,
Deum humanatum.
6. R Qui de suo solio
Pro nostro subsidio
Luxitque In saeculo.
15.
De corpore Christi.
1. Ut Igitur plenitudo
Venit temporis,
Virginis mansionem
Accepit corporis
Dei unigenitus,
Legi plene subditus,
Ut hanc redimeret.
Virtus patris flammisque
Rosae jungitur,
Lilium ex rosa miro
Modo gignitur,
Dominus Emanuel,
Quem praedixit Gabriel,
Matris In utero
Latet, ut sub herba,
Sanguis dum per verba
Formatur rite.
Eja jubilantes,
Matrem venerantes,
Nato concinite.
2. Liquor rubens Christi fusus
Fit ex latere,
Haereticusque praecisus
Nequit accedere,
Nam Christus In coena
Turba duodena
Dum conquiesceret,
Ex hoc divo pane vino
Sumpto munere,
Apostolis vere solis
Tunc porrigere
Voluit, pane fracto,
Calice benedicto
Dicens his: Sumite.
Grex quibus committitur,
Caro sanguis traditur
Sub bina specie,
Res bene exprimitur,
Corpus panis dicitur,
Vinum In sanguine.
3. Ait Jesus: corpus meum
Hoc commedite,
Sanguis mens hic, ex eo
Omnes bibite.
In memoriam, retulit,
Quorum unum repulit,
Judam nomine.
Discessurus facta coena
Ab apostolis,
Quo ordine sit sumendus
A discipulis,
Jesus non Instituit,
Ecclesiam voluit,
Haec discernere.
Vis audi attentuis,
Haec refert Augustinus
In suo opere
Sic sumat communitas
Sanctorum auctoritas
Sub una specie.
16.
De B. V. Maria.
1. Hymnizemus Christo regi,
Venerantes matrem Dei
Omnes cum jubilo,
Canamus Jesu domino.
2. Annunciantes gaudium,
Quod estsibi datum per angelum,
Castae matri Dei,
Omnium nostrum spei.
3. Concrepemus ergo dulciter,
Quae nos juvat misericorditer,
Pia virgo Christi
Genitrix filii Dei.
4. Omnibus nobis ora dominum
Jesum Christum, filium tuum,
Ut nobis Indulgeat,
Crimen nostrum deleat.
5. Bonum finem dignetur praestare.
In futuro nos praemiare,
Ducens ad patriam,
Angelorum curiam.
6. Ubi sempiterna laetitia
Absque omni tristitia,
Ibi nos collocet,
Ubi Ipse manet.
7. Sit laus trinitati aeternae,
Gloriosae virgini Mariae,
Cunctis apostolis,
Omnibus coelorum turmis.
17.
De Sancto Spiritu.
1. Donum patris et filii,
Spiritus, dux consilii,
2. Discipulis apparuit,
Lignis Igneis claruit.
3. Corda fecit flammantia
Paraclitum amantia.
4. Haec paterno solamine
Solatur sacro flamine.
5. Foris atque Interius
Expiat nostrum facinus.
6. Ergo nos cum tripudia
Benedicamus Domino.
18.
De S. Elisabeth.
1. Elisabeth beatae
Vocis amoenitate
Festum celebremus,
A primaeva aetate
Morum varietate
Eam collaudemus.
2. Sub veste pretiosa
Matrona speciosa
Tulit cibaria,
Es fidei zelatix,
Pauperum consolatrix,
Mater fidelium.
3. De ramis regum nata,
Juste vere vocata
Dei saturitas,
Vere sidus praeclarum,
A sole differs parum,
Luna lucidius.
19.
De S. Dorothea.
1. Gratulemur In hoc festo Do-
mino
Corde laetabundo,
Voce resonemus,
Eja concinendo.
2. Salve, Virgo Virtuosa, nobilis,
Christo desponsabilis,
Rosa Dorothea
Vernans, laudabilis.
43. Christi felix Virgula, Dorothea
Nostra modulamina
Audi atque cuncta
Terge peccamicia.
4, Procedens ex nobili prosapia
Theodori filia
Vicit Fabricium
Atque daemonia.
5. Margarita Inventa egregia,
Intrans Viridaria
Rosas paradisi
Legat terrestria.
6. Veni, veni, veni, electa mea
Columba, Dorothea,
Veni, dilecta mea,
De mundi morphea.
7. Mox mucrone plectebatur ca-
pite,
Adsunt turbae coelicae
Simul resonantes
Ingenti neumate.
8. Cum sporta Theophilo notario
De coeli sacrario
Missus Indumento
Multifario.
9. Tandemque rogavit flexis geni-
bus
Pro famulis omnibus
Ejus memoriam
Digne recolentibus.
10. Detulerunt dulcem Christi fa-
mulam
Ad coelestem gloriam,
Gaudet In amoenis
Coeli coronata.
11. Inclita In Rama vox exauditur
Et promittitur,
Atque statim sonus
De coelo auditur.
12. Uni trino sempiterno Domino
Patri atque filio,
Spiritui sancto
Benedicanus Domino.
13. R. Dulcis florum flos
Exaudi nos.