Capitulum XXVI.

De disciplina in officinis .

1. Denique in officinis, maxime in oratorio, in refectoria, dormitorio ceterisque, quas consuevit frequentare conventus, etiam ad latrinas disciplinate se habeant et quiete. Nunquam per susurrium et tumultum occasione operis alicuius Fratres orantes, studentes aut quiescentes impediant.

" In oratorio nemo aliquid agat, nisi ad quod factum est, unde et nomen accepit: ut si forte aliqui etiam praeter horas statutas, si eis vacat, orare voluerint: non eis sint impedimento, qui ibi aliquid agendum putaverint ".

Cum per dormitorium, Fratribus quiescentibus, vadunt, plane , immo quasi furtive incedant. Parando lectum vel alio quovis modo quiescentes strepitu reprehensibili inquietant. Surgentes a lecto, ipsum decen ter operiant, ne velut irrationabilium cubile remaneat im paratus.

De privatis loqui, si cui turpe ridetur, tur pius noverit turpe aliquid ibi committi. Ibi non congruit ut, quasi mox gelicidio perituri, amictus accessorii sarci nam deferant: ibi Eeligiosus cum summo silentio et operto profunde capite debet esse; ibi confabulari et praeter necessitatem hac et illac capite discooperto respicere Seligiosorum esse non dixerim, sed scurrarum: ibi servanda in manuum et vestis dispositione honestas: ibi honestus quisque diligenti opera cavet, ne per ipsum, aut per eius incuriam aliquis offendatur: ibi eis cavendum est, ne stantes urinent, vel a loco minus honeste recedant. Sed nec per hortum est facile urinandum, vel alibi, ubi sive a sociis, sive ab aliis possint videri, quia, ut ait quidam: " Multa possunt honeste fieri, quae non possunt honeste videri ".

2. De singulis ad disciplinam per singulas officinas et loca spectantibus vix aut nunquam singulariter posset edisseri: ad multa tamen haberi potest disciplinae consideratio ex praedictis.

In ostiis aut ofncinarum, aut ubi Fratrum communis est transitus, maxime circa privatarum introitum, unde ad necessaria euntes et redeuntes respici possunt, nunquam honesti Fratres faciant stationem. Quando etiam intrant et exeunt, ofncinarum secretiorem ostia post se claudant, ne supervenientes extranei et intrantes Fratres inveniant imparatos. Nunquam extraneos, licet familiares, ad visitandum officinas invitent. Si quando tamen ad aliquorum instantiam eas ostendere permittantur, domos tantum communiores, non intra per singula loca seu angulos peragrando, sed ab ostiis expedite, quantum honestas permiserit, ostendentes: quidquid eorum aspectui subtrahere poterunt, subtrahant et furentur. Non est Religio, ubi omnibus omnia patent. In locis communibus ubi Fratrum occurrerit frequentia, nullo modo detineant adventantes. Infirma haec parvulis exprimens, grandium oscilla non vito, sed ubi humilis proficit, parviducendus est illusor.