ANDRIEN.

29

IURIUM

Die 26 Ianuarii 1895. Trid. Conc. Sess. 24 cap. 12 De ref.

COMPENDIUM PACTI. In Ecclesia Cathedrali Andriensi, iam a remota aetate, pro clero eidem addicto, dos suppetebat prae- dives, coalescens ex duplici Massa, altera choralis, altera missarum nuncupata, uti memorat etiam Benedictus XIV in sua Const. « In excelso ». Massae chorali participabant duo et quinquaginta canonici ; missarum vero massa antiqui- tus frui poterant omnes presbyteri post certum servitii huic ecclesiae praestiti curriculum ; postea ad 14 redactus fuit numerus sacerdotum huiusmodi Massae participum, qui Mansionariorum nomine honoris causa condecorati fuerunt; non enim apparet vera et propria Mansionarialia beneficia tunc erecta fuisse. Hunc receptum morem Ecclesiae Anclrien- sis, approbavit Pius VII per Breve « Impensa ». Verum anim- adversione dignum est, missarum Massam canonicis et man- sionariis ita fuisse communem, ut non solum omnibus et singulis in aequales partes divideretur, sed uno ex ipsis deficiente, sive canonico sive mansionario, pars vacans, quasi iure acer escendi, reliquis omnibus tribueretur pro rata parte.

Res ita se habuerunt usque ad annum 1860, quo sacrum Ecclesiae patrimonium inique direptum fuit. Imminutis redi- tibus, in locum deficientium mansionariorum alii non suffi- cebantur. At anno 1886 volvente S. C. C. controversia pro- posita fuit « Andrien. » Absolutionis, reductionis onerum et erectionis Collegii mansionariorum » qua, rem nostram quod spectat, agebatur, de erigendis et fundandis decem bene- ficiis mansionarialibus, quorum dos obtineretur ex libellis 4250 distractis ab integra summa libellarum 30,218, quae adhuc Capitulo superest, detractis oneribus, ex veteri mis- sarum Massa conversioni, uti vocant, a Gubernio supposita. Ut libellae 425 exinde in decem mansionarios distributae suf-