Tridentina 2 9

abhinc mensibus desinit, sive quia omnes ibidem propriam habent domum, praesertim vero post emigrationem in Ame- ricam, sive etiam quia plures aliae domus sunt incolis vacuae»

Nec consulenda sunt praefatae domus melioramenta, quum haec ob eiusdem positionem et constructionem fere impossi- bilia videantur, eaque de cetero Fundus Curatialis defectu reddituum peragere non possit. Denique domus licitatio sub hasta publica, etiamsi adessent emptores, minus sortiretur pretium eo, quod dictus haeres offert, quia ipsa auctoritas iudiciaria in haereditatis inventario domum cor. 160 aestimavit. Quibus rationibus plura videntur obstare. Et in primis con- tradicit expressa voluntas testatoris ; extremas enim deceden- tium voluntates sancte religioseque servandas esse tum leges civiles tum canonicae praecipiunt. Quod maxime valet quando- dispositio testatoris est ad pias causas ut in casu, tum quia ea praesumitur facta in remedium animae propriae, tum quia, si ea pessumdaretur, fideles ab huiusmodi elargitionibus erga Ecclesiam retraherentur. Accedit quod domus alienatio non una vice sed iterato a testatore fuit interdicta; quod in eo ita firmiorem et praecisam intentionem portendit, ut nullus benignae interpretationi locus fieri debeat.

Insuper expetita alienatio non est neque necessaria, neque periculis vacua, neque utilis et proficua causae piae. Non est primo necessaria, quia domus, potiusquam vendi, dari posset in emphyteusim congruo statuto canone et sub onere melio- rationis; sic voluntas testatoris quodammodo servaretur, cum emphyteusis referat quamdam locationis speciem, uti tradit Richerius (Universal. Iurisp., tom. io, n. 1364-65).

Sed secundo non est tuta seu periculis expers. Sane alie- natio eatenus admitti videtur, quatenus haeredes nominati clausulam a testatore appositam de inalienabilitate domus declararunt tamquam non adiectam, et sic iuri substitutionis valedixerunt. At haec declaratio et resignado interesse ha- bentium non undequaque firma apparet, siquidem inter vo-