30 Acta Apostolicae Sedis - Commentarium Officiale

quae huic titulo abbatiali de iure competunt. Contrariis non obstantibus

quibuslibet.

Haec mandamus, decernentes praesentes Litteras firmas, validas atque

efficaces semper exstare ac permanere; suosque plenos atque integros effec-

tus sortiri et obtinere; eidem sic per Nos erectae abbatiae parisiensi Sancti

Ludovici ad Templum nunc et in posterum plenissime suffragari; sicque

rite iudicandum esse ac definiendum, irritumque ex nunc et inane fieri si

quidquam secus super his a quovis, auctoritate qualibet, scienter sive

ignoranter attentari contigerit.

Datum Eomae apud Sanctum Petrum, sub anulo Piscatoris, die x x v

m. Augusti MDCCCCXXxn, Pontificatus Nostri undecimo.

E. Card. PAGELLI , a Secretis Status.

III

OPPIDI SARTE ANI INTRA FINES DIOECESIS CLUSINAE. PATRONA CAELESTIS

B. M. V. BONI CONSILII MATER DECLARATUR.

PIUS PP. X I

Ad perpetuam rei memoriam. - Clusinae et Pientinae dioecesis intra

fines in conlegiato templo oppidi Sarteani prodigiosa servatur imago

Beatae Mariae Virginis, Boni Consilii Matris quam a multo iam tempore

christifideles loci magna, pietate venerati sunt, hodieque pie devoteque

venerantur. Cum vero clerus populusque ipsius oppidi enixas Nobis preces

adhibeant, ut Beatam Virginem Mariam Matrem Boni Consilii declarare

dignemur principalem oppidi Sarteani Patronam (non modo enim in pri-

vatis sed et in publicis praesertim calamitatibus validissimo patrocinio

Deiparae sub ipso titulo incolae Sarteani gavisi sunt), atque hodiernus

Episcopus Clusinus ac Pientinus suffragiis suis amplissimis preces memo-

ratas augeat; Nos, quos instanter admonet Apostolicum munus, quod in

terris gerimus, ut christifidelium bono continenter in Domino prospiciamus,

supplicationibus ad Nos admotis concedere censemus. Conlatis itaque

consiliis cum dilecto filio Nostro Sanctae Eomanae Ecclesiae Cardinali

Sacrae Eituum Congregationi Praefecto, omnibusque rei momentis attente

perpensis, hisce Litteris Apostolicis, auctoritate Nostra, Beatissimam Virgi-

nem Mariam Matrem Boni Consilii oppidi Sarteani intra fines Clusinae ac

Pientinae dioecesis, Patronam principalem constituimus et declaramus.

Praecipimus propterea ut ipso in oppido festum eiusdem Patronae sub

ritu duplici primae classis cum octava ex nunc et in posterum celebretur.