gO MONTIS FRUMENTARII.

mense Augusto restituitur, ponderis esse librarum septuaginta quinque; atque concludebat pro sanatione impertienda quoad futurum, et pro conservando dicto augmento quoad praeteritum, animadvertens simul iuxta fundatorum intentionem erogatum fuis- se superexcedens lucrum in cultum titularis, quamvis id in suis precibus negarent sodales.

ANIMADVERSIONES EX OFFICIO FACTAE IN NOVA CONSULTATIONE. Ani-

madvertebatur, iuxta Episcopi relationem, augmentum consi- stere in proportione vigintiquinque supra quodvis centenarium; habendam tamen esse rationem maioris ponderis, quod praese- fert frumentum post recollectionem ; quod pondus conservatione evanescit; eo vel magis quod ageretur de frumento siculo.

Inde opportune recolebatur Constitutio Pauli V. Onerosa, diei 5 Februari 1 6 1 5 , in qua Summus Pontifex, postquam no- verit, pecunias Montium Pietatis qui extarent in Pontificia Di- ctione ad usus pauperum mutuo dandas, in alios usus converti et in dies minu i , praescripsit horum Montium Praesidibus, ne de pecuniis ad dictos Montes, quomodolibet spectantibus et per- tinentibus, ac tam pro sorte principali a principio illis assignatis, quam pro dictae sortis augmento postea acquisitis , in alios, quam pauperum usus, iuxta modum et formam in erectione dictorum Montium praescriptam, absque nostra et Sedis Apostolicae licentia, sub quovis praetextu vel quaesito colore et cum obligatione intra quodcumque breve tempus restituendi, disponere praesumant. » Animadvertebatur insuper S. Congregationem Concilii in examine Relationum super statu ecclesiarum pro opportunitate eiusmodi Constitutionis observantiam inculcare.

Recentiores autem Resolutiones in memoriam sunt revocatae, nimirum Derthonen. Montis Frumentarii diei 9 Augusti 1844 , in qua administrator reddituum cuiusdam Paroeciae exponebat S. Congregationi Episc, et Reg. suos antecessores reliquisse octo saccos frumenti ad formandum Montem pro pauperibus sub conditione, ut Mutuatarii restituèrent unam cuppam pro sin- gulis stadiis, quod proportionem constituebat inter datum et acceptum sex pro singulis centenariis: ex quo augmento eve- nisse , ut octo sacci pro fundo dati evaserint decem et octo : supplicabat autem ut facultas concederetur efformandi Montem cum saccis decem et oc to , illumque augendi usque ad triginta