29.

1. Pura conscientia
Personet ecclesia

Puri laudes pueri,
Puer is cum nascitur,
Puritas non laeditur

Virginalis uteri.

2. Virgo paret, ventrem parat,
Fructum parit, quem declarat

Vox divini carminis,
Virgam profert radix Jesse,
Virga florem, quod expresse
Partum signat virginis.

3. Virga virgo est Maiua,

Flos est Christus, Christus via,

Vita est et veritas ;
Verbo solo fecundatur,
Parit et non defloratur,
Sed floret virginitas.

4. Nubit caro verbo patris,
In ventre Mariae matris

Naturae conveniunt ;
Uniuntur in hac domo
Verus Deus, verus homo,

Cui cuncta serviunt.