28. De sancta Afra.

1. Domino decantent laudes
filiae Sion omnes

2. In hac die sollemni,
in qua modo lugubri
resultant gaudia
reperta Afra.

3. Haec, reorum sentina,
ignoravit divina ;
Narcissi fletibus
lavit scelus.

4. Qui praesul electus,
doctor bonus et rectus,
Dum fugit mortis edictum,
Afrae subiens tectum

5. Obsecrat, hortatur ;
peccamina panduntur ;
Confessam lavit baptismus,
trahit iudex sceleratus.

6. Confitetur patrem,

prolem et spiritum sanctum ;
sarmentis cingitur,
igne crematur.

7. Te rogantes exaudi,
Afra, victima Christi,
ut nobis gaudia
dentur aeterna.