28. In Coena Domini.
Ad Mandatum.

1. Fuit Domini dilectas

languens a Bethania
Lazarus beatus sacris

olim cum sororibus,
Quas Jesus, aeteraus amor,

diligebat plurimum,
Martham simul et Mariam,

felices per saecula.
2. Haec Maria fuit illa

Domino gratissima,
Quae ungaenti pretiosi

rore mixto balsami
Ante diem festum Paschae

libram nardi pystici
Fracto fudit alabastro,

corpus unxit Domini.

3. Dabat dulcia per sacros

pedes strictim basia,
Non cessabat lacrimarum

resolutis crinibus
Undas tergere, sacratis

Domini de labiis
Audiebat verbum, domus

Fragrabat odoribus.
4. Fractum signat alabastrum

Jesu corpus mystice,
Quod in crucis est altari

passionis tempore
Fossum clavis et apertum

percussura lanceae,
De quo sanguis redundavit,

unda fluxit laticis.

5. Hoc de fonte pietatis

odor fragrantissimus
Emanavit, quo repletus

mundus illo caruit
Sordido foetore, dudum,

pro dolor, heu, miseri
Quem tulerunt protoplasti

serpentis de gutture.
6. Hoc de fonte mundus omnis

ablutus a crimine
Pretiosi modo spirat

odoris fragrantiam,
Candidis indutus stolis

scissa perizomata
Est exutus peccatorum

contexta de foliis.

7. Est Maria baptizata

hoc in fonte credula,
Est et Martha, quarum frater

infirmatus Lazarus
Mortis atque vitae stabat

summo in confinio,
Pro quo nuntium sorores

triste ferunt Domino.
8. Sed potenter est vivaci

suscitatus Domini
Cuncta verbo quod creavit,

quod gubernat saecula,
Et de mortis satis atro

revocatus barathro
Sacrosancto collocatus

convivat convivio.

9. Splendor lucis, te precamur,

sancte patris unice,
Qui cum patre Deus regnas

sanctoque cum spiritu,
Ut, quos proprio cruore

redemisti, servulos
A peccatis absolutos

mittas ad coelestia.