29. In Pentecosten.
Feria III.

1 a. Umbra transit vetustatis,
Vox erumpat novitatis
Et laudis praeconium;

lb. Omnis mundus iucundetur,

In hac die adimpletur

Illud vaticinium:

2 a. Effundam de spiritu
Repentino sonitu
Cordibus fidelium.

2 b. De excelso missus est
Ignis et infusus est
Ossibus credentium.

3 a. Hic est ille spiritus
Insufflatus caelitus
Priori mortalium ;

3 b. Hic de caelis missus est
Et aquis infusus est
In mundi primordium.

4 a. Per hunc Noe inspiratur,
A quo arca fabricatur
In typum ecclesiae;

4 b. Hic Abraham illustravit,
Cum de Christo prophetavit
Tempus signans gratiae.

5 a. Huios donum spiritus
Signabatur primitus,
Cum lex dari debuit;

5 b. Facta sunt tonitrua,
Micuerunt fulgura,

Totus mons contremuit.

6 a. Die quinquagesimo
A paschali termino
Lex a Deo mittitur ;

6 b. Sub eodem termino
Immittente Domino
Spiritus infunditur.

7 a. In unum sedentibus,
Ipsum exspectantibus,
Fit repente sonitus;

7 b. Corporali specie
In ignis effigie

Descendit paraclitus.

8 a. Replet domum et credentes,
Facit spiritus ferventes,
Loquuntur magnalia;

8 b. Et, quos timor occultavit,
Ignis missus inflammavit;
Templi petunt atria.

9 a. Ibi cum fiducia
Fiunt mirabilia,

Multa credunt milia;

9 b. Una fides omnium,
In Christo credentium
Una erat anima.

10 a. Haecest praesens sollemnitas ;
Haec est miranda novitas,
In qua summa divinitas,
In qua divina caritas

10 b. Infundens se hominibus,
Mundum mundans asordibus,
Ima iungens caelestibus,
Unum facit de pluribus.

11 a. Tu, qui multa facis unum,
Et de multis facis unum
Et in uno facis unum,

11b. Fac nos omnes in te unum,
Ut ad te tendamus unam,
In te uno simus unum.