•32 SOCIETATIS IESU.

aut collegiis Societatis Iesu institutae sunt , Decreto Clemen- tis VIII. minime comprehendi ; ideoque Patres Societatis posse erga illas procedere, easque acceptare et regere citra dependentiam ab Ordinariis non aliter quam antea solebant. Quod expresse deinde declaravit Gregorius XV. in Const. Alias pro parte, diei 15 Aprilis 1621 his verbis : Decernentes praedictas Gregorii et Sixti Praedecessorum, nec non praesentes literas ( in quibus agi- tur de Prima-Primaria et de aliis eidem adnexis ) sub Constitu- tione rec. mem. Clementis Papae VIII. super modo et forma Con- fraternitates erigendi, aggregandi edita minime comprehendi. » Solemnius autem et amplissime idem declaratum fuit a Bene- dicto XIV. in Bulla aurea: Gloriosae Dominae diei 27 Septem- bris 1748.

Haec vero confirmabantur inspecta natura Congregationis Primae-Primariae, quae omnino differt a Sodalitatibus et Con- fraternitatibus consuetis Saecularium; ex quo inferebatur, quam rationabiliter S. Sedes semper declaraverit Primam-Primariam non comprehendi sub dispositione Clementina.

Dicebatur enim dicta Constitutio Clementis VIII. compre- hendere dumtaxat eas Sodalitates, quae propria aggregandi forma destitutae erant: quae non recte caeteris communicabant indul- gentias, et privilegia sibi a S. Sede concessa: quae pro arbitrio taxas pecuniasque exigebant pro aggregatone etc. Porro Prima- Primaria a sua institutione, scilicet plusquam viginti annis ante dictam Clementinam, praescriptam habebat formulam, statuta et Regulas ; elenchum indulgentiarum nominatim et expresse com- municabat, neque expensas cuiusvis generis admittebat, quem- admodum hucusque servavit.

Insuper ex antiqua praescriptione a Praepositis Generalibus facta, qui sunt Promotores Visitatores et Legislatores earumdem, interdictum est iisdem Congregationibus vestem specialem in- duere, redditus stabiles habere, seu quovis modo bona possidere; neque publicis Processionibus aliisque publicis ecclesiasticis fun- ctionibus interveniunt, nec aliud quidquam faciunt, quod dis- sentiones et discordias moveat inter caeteras Sodalitates institutas in eadem civitate, urbe seu terra, seu loco. Integer earum sco- pus est christianarum virtutum et pietatis exercitium sub pro- tectione B. M. Virginis.