32 IANUEN.

incolis minime consuleretur, gravia vicissim damna et exitum dismembrandis paroeciis inferretur iuxta ea, quae parochus loci Ver zi perpendit, cui et Archiepiscopus et alter parochus suffragantur.

Denique iidem duo parochi adnotant, magis cavillationis causa, quam ex necessitate postulari et exigi a Castagneli incolis paroeciam. Praeterquamquod ne concordes quidem omnes in hanc mentem existere, sed plures eorum unioni cum veteribus paroeciis adhuc favere. Quin imo, prout subdit Archiepiscopus, nunc, maior numerus, qui olim fervere vi- debatur, tranquillus sistit. Unde neque hic titulus, id est cauta prudentiae ratio, amplius invocari posse videtur ad paroeciae erectionem.

Accedit quod sindicus et assessores municipii supplici li- bello ad SSmum dato instant et exorant, ut gratia ab oppi- danis Castagneli implorata denegetur, idque, 1. ne ob ere- ctionem paroeciae, quae nulla necessitate nullaque vera uti- litate probatur, vera vicissim gravamina, saltem pro eccle- siae fabrica, municipio adiiciantur, ac novae curae et solli- citudines parentur ; 2. ne veteres parvae pauperesque pa- roeciae ad conditionem adhuc tristiorem adducantur; 3. de- nique de nova paroecia in miserrimo statu, cum exiguo ter- ritorio, ac paucissima plebe erigatur.

Unde tandem haud immerito Archiepiscopus in sua epi- stola in hanc sententiam venire videtur : eius nempe suf- fragium huic esse erectioni contrarium. Porro quanto in ho- nore Ordinariorum iudicium in hisce praesertim materiis ha- beri soleat, nemo est qui ignoret. Et optimo sane iure ; nam Episcopus praesumitur magis quam quisque alius de rebus et necessitatibus suae dioecesis informatus, ut tradit Rebuf- fus Prax. benef. c. 1 Be erect. in cur. et p ar oec. ac S. C. C. passim, ceu videre est in Ipporogien. Dismembr. 23 Augusti 1879 § Sed contra3 in Lucana Dismembr. 14 Maii 1881 aliisque quam plurimis.

His itaque adductis, propositum fuit diluendum