32 NANNETEN.

ctione et in circumstantiis post illam secutis non est ser- vata atque nonnisi duobus annis post inspectionem istam privatam in actis iudicialibus processus confecti ex delega- tione apostolica reperitur aliqua declaratio subscripta a duo- bus illis viris peritis.

Quam declarationem uterque medicus, Dr. Abeille et Dr. Poisson subscripsit, at iuramento non confirmavit ne- que ex actis iudicialibus ulla ratione eruitur a iudice dele- gato factum esse examen duorum peritorum iuxta formam in Instr. S. C. O. 22 Aug. 1840 praescriptam.

Ad impugnandam istam inspectionem vix iam multum insisti potest in omissione balnei. Quamvis enim S. C. O. in citata Instr. a. 1840 balneum omnino exigat in inspe- ctione rite peracta, tamen S. C. Inq. in Instr. a. 1858 bal- neum tantum condiiionate requirit: « Adhibito prius mulie- ris balneo , si necessario praemittendum physici et ipsae ( i . e . obstetrices) iudicaverint ». Eadem S.C. Inq. in Is tr .20 Iun. 1883 de isto balneo omnino tacet neque in Instr. Emi Cardinalis Rauscher §§ 174-175 balneum commemoratur. Neque adeo urgeri potest, quod a duobus viris peritis, uno medico, altero chirurgo, non a duabus obstetricibus facta sit inspectio corporalis Annae. Hac enim in re inprimis at- tendendum est, quodnam medium ad comprobandum factum non consummationis sit omnino in se aptum et legitimum. At inspectio per medicum et chirurgum in se est medium aptum, imo aptius, ut maiori cum securitate et certitudine quam per duas obstetrices probetur non consummatio alicu- ius matrimonii ; legitimum quoque existit, quia inspectio etiamsi per obstetrices magis sit conformis decentiae legi- bus, tamen intrinsece mala non est, si a medicis fiat, secus tandem aliquando medici ab assistentia in difficili partu aut certis morbis mulierum curandis essent excludendi ; decentiae vero consuli potest, si necessariae cautelae non praetermit- tantur. Quare mirum non est, quod in cit. Instr. Emi Car- din. Rauscher l . c . obstetrices omnmo non commemorantur. Gasparri vero in suo tract, de matrimonio n. 1197 scribit: