29. De sancto Albano.

1. Sancti triumphum
celebremus martyris

2. Sollemnem atque piis
diem ducamus gaudiis

3. Laudantes Iesum Christum,
regem sanctorum martyrum,

4. Inclita cuius

mundum sanat gratia,

5. Martyres suos

qui coronat gloria,

6. Albanum

sanctum qui ditavit
spiritali munere

7. Provexit

et hunc laureatum
ad coronam gloriae;

8. Palma Theonesto
caelitus
quem sociavit
praesuli,

9. Quos et solidavit
pariles
in unitate
fidei,

10. Ut doctrinae
luce perfidiae
pellant tenebras

11. Atque salvent,

quas hostis perdere
temptat, animas.

12. Nam haeresis Ariana
tunc saeviebat
latrans contrafidem catholicam

13. Et graviter impugnabat

totum per orbem
persequendo sanctam ecclesiam.

14. Ad haec valide calcanda
certant sancti patres
falsitatis dogmata

15. Scutum fidei sumentes
contra mortifera
inimici iacula.

16. Tunc Theonestus
atque Albanus,
Christi martyres,

17. Hunc expugnantes
erroris ritum
sternunt fortiter.

18. Hinc Albanus
fide probatus
poenis est maceratus
variis

19. Atque demum
capite plexus
superis est insertus
gaudiis.

20. O miles

Christi atque testis
invicte, qui triumphas
felix hodie,

21. Audi nos

adplaudentes tibi
et fac nos participes
tuae gloriae.

22. Tu, qui hodie
angelorum vitam
Tui sanguinis
comparasti
pretio,
gloriose belliger,

23. Ipse hodie

nos commenda Christo

Tuis precibus

nostra deleas

crimina,

ut possimus alacres

24. Hunc diem

gloriosum celebrare.