31. De sancto Galectorio.

In 1. Vesperis.

R. Sanctus Galectorius,

Praesul Lascurrensis,

Orabat devotius

Manibus protensis,

Dum saevit protervius

Rex Vuandalensis.

V. Felix, quem non gladius

Terret, sed in melius

Ictus mutat ensis.

Ad Magnificat.

A. Beatus Galectorius

Cum corona victoriae,

Praesul, martyr egregius,

Suscepit thronum gloriae;

Cum magis trino munere

Protestans verbis, opere

Deum regem in homine

Iesu, nato de virgine.

Ad Matutinum.

invitatorium.

Regem, qui regit omnia,

Saecula venerantur,

Cum praesulis sollemnia

Lascurris celebrantur.

In 1. Nocturno.

Antiphonae.

1. Beatus Galectorius,

Vir fortis, norma morum,

Non abiit ut impius

In via peccatorum.

2. Deo servit Vasconia,

Gens Gota facit peius

Prae ceteris iniuriam

Adversus Christum eius.

3. Fide propugnat comminus,

Preces fundit ad Deum

Exclamans: Tu es Dominus

Exaltans caput meum.

Responsoria.

1. Romanorum imperium

Non ferens gens Gotorum

Regem praefecit proprium,

Fines Italicorum

Transit, ad hemisphaerium

Pervenit Gallicorum.

V. Beatum Galectorium,

Praesulem Lascurrensium,

Rumor pulsat eorum.

2. Dum iteratis vicibus

Pago Burdegalensi

Damna darent Vasconibus

Goti graves, immensi,

Enarratur a pluribus

Praesuli Lascurrensi,

V. Quod Gotis profanantibus

Offeruntur altaribus

Loco faeces incensi.

3. Beatus Galectorius,

Vir mirae probitatis,

Devotus, benignus, pius,

Excelsae sanctitatis,

Compatitur profundius

Vasconibus gravatis.

V. Fide plenus ferventius

Ceteris fit contrarius

Gotis malis armatis.

In 2. Nocturno.

Antiphonae.

1. Lascurrensis ecclesiae

Gregem cum gubernaret,

Favit Deus iustitiae,

Ipsum cum invocaret.

2. Clamat orationibus

Sanctus non mente rea:

Domine, piis auribus

Percipe verba mea.

3. Deo fit acceptabile,

Quod hic fecit in guerra,

Cuius nomen mirabile

In universa terra.

Responsoria.

1. Mente gestans et corpore

Signum crucis vivificae

Servus aeterni regis,

Cruce signat pro tempore,

Memor mortis dominicae,

Agmen commissi gregis

V. Gotorum spreto robore,

Quos invadit magnifice

Zelo succensus legis.

2. Agmina Bearnensium

Beatus Galectorius

Sermonibus movebat,

Contra turbas Gotensium

Velut primipilorius

Armatus praecedebat,

V. Neque mortem nec gladium

Vel, si quid est acerbius.

Pro Christo metuebat.

3. Dei magnificentiam

Intendens et victoriam

Contra Gotos pugnabat,

Currens per patientam

Ad martyrii gloriam

Ictus plagas portabat ;

V. Sanctus propter iustitiam

Liber transit ad patriam,

Pro qua vivens certabat.

In 3. Nocturno.

Antiphonae.

1. Hic Christi miles ceteros

Praeivit hostes vivens,

Morte transit ad superos

In Domino confidens.

2. Verbi divini pabulo

Subditos recreabat,

In Dei tabernaculo

Devotus habitabat.

3. Multis potens miraculis.

Providens de salute,

Iuva nos in periculis

Domini in virtute.

Responsoria.

1. Carnis vitam

contemnens penitus,

Caelo sanctus

praevidens spiritus,

Ad aethera

vocatur caelitus

Repromissa

sibi divinitus.

V. Intrat aulam summi regis

Pastor gregis, praeco legis.

2. Beatus Galectorius,

Lascurrensis ecclesiae

Praesul et pater patriae,

Vir futurorum praescius,

Mortem subit iucundius

Amore verae gloriae.

V. Hic cum laude victoriae

Reportatus decentius

Adoratur devotius

Altari sedis propriae.

3. Per huius sancti merita

Sanitatis remedia

Dominum operari

Sanato probant capita

Plebisque testimonia,

Quao non decet celari.

V. Salus sic mihi tradita

Me veritate praevia

Docet testificari.

In Laudibus.

Antiphonae.

1. Beatus Gallectorius,

Praesul Lascurrensis pius,

Tantum Christum amavit,

Quod ad caelum iuncundius

Morte transit et fortius,

Quo Dominus regnavit.

2. In acerbi martyrii

Beati Gallectoiii

Sancta sollemnitate

Sicut laetantes filii

Psalmis, bymnis officii

Domino iubilate,

3. Deus, qui sanctis omnibus

Mortem pro te ferentibus

Das exemplum in cruce,

Fons vitae sitientibus,

Lux ad te vigilantibus

Ostenderis de luce.

4. Caeli, terraeque marium

Facturae rerum omnium

Benedicant factorem,

Qui genti Bearnensium

Beatum Galectorium

Dat patrem et pastorem.

5. Laboris confirmatio,

Honoris retributio

Fit cum felicitate

Alto caeli palatio

Beato Galectorio,

Cur Dominum laudate.

Ad Benedictus.

A. Sancte Galectori,

patriae lux, praesul, adesto

Sic precibus nostris

adiutor tempore praesto,

Quod pulsis culpis

laetemur perpete festo.

Per Horas.

Ad Primam.

A. Deus, in cuius nomine

Beato Galectorio

Salus et vita datur,

Per ducat nos in lumine

Cum numero ternario,

Quo Iesus adoratur.

Ad Tertiam.

A. Legem in corde posuit

Dei, quam facto tenuit,

In qua iustificatur,

Beatus Galectorius

Praesul, martyr egregius,

Pro qua martyrizatur.

Ad Sextam.

A. Defecit vita corporis

Huius mensura temporis

Laboreque dolore,

Decapitantis gladii

Coronam cepit bravii

Plenam felicitate.

Ad Nouam.

A. Multa sunt mirabilia

Multaque testimonia

Eximiae virtutis,

Beato Galectorio

Praestante patrocinio

Donum adest salutis.

In 2. Vesperis.

Ad Magnificat.

A. Gaude, Lascurris civitas,

Tanti patris reliquiis

Decorata miraculis,

In populis ut veritas

Protestetur, quod sanctitas

Beati Galectorii

Sit sequenda vestigiis

Amore summi praemii.