32. Ad Christum.

1. O Iesu, lumen mentium,
Tu Deus illustrator,
Sponsus te diligentium,

Amatus et amator,
Ditans mentes viventium,
Ad te Deum currentium,
Tu mundi gubernator.

2. Illustra mea intima,
Te dona degustari,

Iesu, dulcedo maxima,
Me cogis delectari,

Ut tua suavissima

Bona degustem et optima,
Quibus me fac ditari.

3. Hilariter me reficis,
Vitae cibus aeternae,
Sponse Iesu, nec deficis,
Fons patriae snpernae,
Mentemque meam afficis,
Quam in virtute perficis
Caritatis internae.

4. Eternum meum gaudium
Quovis bono suffultum,
Sponse, Iesu, et praemium

Magnum nimis et multum,
Summum meum solacium
Summumque desiderium,
Te concupisco multum.

5. Summa mea suavitas,
Iesu, sponse benigne,
Tu veritas, tu caritas,

Mentis decus insigne,
Vera, cara aeternitas,
In qua stat omnis bonitas,
Te cuncta laudent digne.

6. Vere, Iesu, me vulneras

Cum telo caritatis,
Te quando mihi reseras

In verbis inspiratis,
Tu me saepe docueras,
Mentem meam refeceras,

Te nunquam colo gratis.

7. Cum de paterno gremio
Me, sponse, visitasti,

Ardenti desiderio

Me, Iesu, inflammasti;

Suavi tu eloquio

De appetendo gaudio
Pleno me informasti.

8. Ilex es et Dei filius,
Iesu, sponse beate,
Me urens stringis acrius

Tua suavitate,
Mentem meam intimius
Tu penetras et altius,
Quae osculatur a te.

9. Iucunde me inebrias

Divina voluptate,
Me ipsum tibi socias

Ferventi caritate,
Ut sponsam tibi facias,
Me, Iesu, saepe satias

Tua divinitate.

10. Sponse Iesu, delicias
Mihi saepe donasti,
Ad tuas sacras nuptias

Ut sponsam me vocasti,
Attulisti divitias,
Virtutes et scientias,
Quibus me subarrhasti.

11. Thesauros sapientiae

Ex te, Iesu, refundis
Ac flumina scientiae

Das animabus mundis,
Sinum intellegentiae,
Voluntatis, memoriae
Suaviter perfundis.

12. Ex tua influentia

Mens mea recreatur,
Dum mea conscientia

In te, Iesu, laetatur,
Dulcis experientia
Fit ex tua praesentia,
Qua deitas gustatur.

13. Vita in fonte bibitur,

Dum mens te, Iesu, tangit,
Iucunditas infunditur,

Dum tuas laudes paugit,
In mente lumen oritur,
In qua lux verbum cernitur,
Dum tuba verbi clangit.

14. Est verbi vox dulcissima,

Quam mens audire gliscit,
Ex hac tuba novissima

Mens sponsa reviviscit;
Es, Iesu, res altissima,
Qua tua secretissima

Mens sponsa plura discit.

15. Regis magni convivium,
Iesu mensa paratur,
Aeternum sponsas praemium

Per Iesum ministratur ;
Tu ipse verum gaudium,
Currentium tu bravium,
Per te mens coronatur.

16. Bonarum, Iesu, mentium
Dulcis hospes vocaris,

In te requiescentium,
Tu quies appellaris,

Fons vitae sitientium,

Cibus esurientium
Tu, Iesu, nominans.

17. Vultus tuus amabilis
In intimis videtur,
Tu sponsus es affabilis,

Per te sponsa docetur ;
O res multum mirabilis,
Ees multum delectabilis,
Cum Iesus possidetur.

18. Manna, Iesu, absconditum

Electis reseraris,
Amicis Dei creditum,

Quibus merces donaris,
Quamvis multis es abditum,
Multis tamen es cognitum,

Quia, dum vis, gustans.

19. Delectas mirabiliter,

Iesu, manna gustatum,
Sapisque multipliciter
Electis propinatum
Unisque tibi firmiter
Mentem, quam cibas dulciter,
Per verbum delicatum.

20. Est nimis fortis copula
Iesu mentem uniri,
Nam intima tunc oscula

Mens valet experiri,
Aeternae vitae pabula
Dulcissimaque pocula
Solet Iesus largiri.

21. Ingressus mentis intima,

Iesu, tuo vigore,
Tu spiritum ab anima

Divino secas more,
Ad bona rapis optima,
Ut bona linquat infima,

Ut sic stet in honore.

22. Tu, Iesu, fontem gratiae
De te facis manare,

Per quem ad flumen gloriae
Nos facis navigare,

Ubi castae sunt nuptiae,

Ubi verae deliciae,
Quas facis nos amare.

23. Virtute mentem erigis
Ad intima trahendo,

In veritate dirigis
Ipsam plene docendo,

Tuam sponsam non negligis,

Te diligentem diligis,
Iesu, cuncta regendo.

24. Mentem meam ingredere,
Sponse Iesu praeclare,
Frequenter hanc alloquere,

Fac eam te amare,
Mentem meam amplectere,
De tuo vivat munere,
Ut queat te laudare.

25. Es, Iesu, vehementia
Mentis te diligentis,
Amoris violentia

Introrsum te trahentis ;
Ex tua influentia
Fiunt corda ferventia
Coetus te sitientis.

26. Meae mentis amictio

Per te, Iesu, formatur,
Nam tua benedictio

Nune mihi suffragatur,
Nulla mentem afflictio
Vincit nec contradictio,
Si Iesu muniatur.

27. Electa tu aeternitas,

Electio aeterna,
Secura tu internitas,

Securitas interna,
Iucunda tu tranquillitas
Tranquillaque iucunditas,

Iesu, monstrans superna.

28. Nihil ut Iesus intime
Menti potest inesse,
Internus sponsus animae

Dans cunctis rebus esse;
O Iesu, regens optime,
Regnum parans aptissime
Menti a te possessae.

29. Tui Iesu cognitio

Clara atque serena,
Nec non tui dilectio

Totalis atque plena
Perfectaque fruitio
Sunt mentis gloriatio
Caelestis et amoena.

30. O Iesu, fons dulcissime
Cuiuslibet dulcoris,

Spes te quaerentis animae,
Vinum dulcis amoris,

O amnis amoenissirae,

Reficiens plenissime
Spiritum amatoris.

31. Multis modis alloqueris

Tu, Iesu sponse, mentem
Internos sensus aperis,

Hos monstras te regentem ;
Quando sponsam ingrederis,
Tunc verus sponsus crederis,
Amas te diligentem.

32. Electae desiderium

Menti, Iesu, infundis
Dulceque refrigerium

Das in te laetabundis;
Mirabile mysterium
Per Iesu magisterium
Sponsis monstratur mundis.

33. In Iesu sanctis omnibus
Verum datur solamen,
Electorum agminibus

Dat Iesus recreamen,
Hinc laudes cum honoribus,
Maiores cum minoribus,
Omnes dicamus. Amen.